Más ye kʼïy winäq nkinaʼ chë xa kiyonïl ye kʼo | ¿Achkë xkatoʼö we rït ke riʼ nanaʼ?
«Jbʼaʼ ma pa nkʼaj chkë ri winäq ri ye kʼo Estados Unidos nkinaʼ chë xa kiyonïl ye kʼo, y más yenaʼö riʼ ri winäq ri kʼo 18 kʼa 25 kijunaʼ» (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, [Ri rutzjol ri nuyaʼ ri ukʼwayon bʼey chpan ri salud pública rchë Estados Unidos chrij ri ayonïl nanaʼ awiʼ], 2023).
«[Ri Organización Mundial de la Salud] xuʼij chë ri nanaʼ chë ayonïl yït kʼo ya riʼ jun yabʼil ri nkʼatzin ntzʼet yän. Rma riʼ xuʼij chë xtjeʼ jun molaj winäq ri xtnukʼuj rij riʼ, ri xkerutoʼ ri winäq rchë yekikanuj kichiʼil chqä rchë xkekitoʼ jontir bʼaʼ tinamït, kʼo o majun kirajil, rchë xkekowin xkekitoʼ kiwinaq ri nkinaʼ chë xa kiyonïl ye kʼo (Organización Mundial de la Salud, 15 de noviembre, 2023).
Le Biblia nuyaʼ ütz taq naʼoj rchë chë röj, ri winäq, yejeʼ qachiʼil ri xkojkitoʼ rchë ma xtqanaʼ ta chë xa qayonïl yoj kʼo.
Naʼoj ri ye kʼo chpan le Biblia ri yojkitoʼ
Taqasaj jbʼaʼ ri tiempo ri naksaj chkibʼanik ri yebʼanö chë ma yajeʼ ta kikʼë ri nkʼaj chik. Jun chkë riʼ ya riʼ ri redes sociales. Pa rukʼexel naʼän riʼ, takanuj rbʼanik rchë yajeʼ más tiempo kikʼë ri nkʼaj chik chqä rchë yeʼawïl ütz taq awamigos.
Ri nuʼij le Biblia: «Ri kantzij achiʼil, najowan ronojel mul; y kan ntok jun awachʼalal taq kʼo kʼayewal yepë» (Proverbios 17:17).
Takanuj rbʼanik rchë yeʼatoʼ ri nkʼaj chik. Taq kʼo ütz naʼän pa kiwiʼ ri nkʼaj chik, más junan nuʼän awäch kikʼë, y nuʼän chë más ütz nunaʼ awan chqä rchë más kiʼ akʼuʼx naʼän.
Ri nuʼij le Biblia: «Más kiʼ akʼuʼx nanaʼ taq yaspan chwäch ri nakʼül jun spanïk» (Hechos 20:35).
We nawajoʼ natamaj achkë chik nkʼaj naʼoj ri ye kʼo chpan le Biblia xkatkitoʼ rchë yejeʼ ütz taq awamigos, katok chpan ri qasitio pa internet.