Ri viernes 24 de febrero rchë ri junaʼ 2023, xuʼän jun junaʼ ri bʼanatajnäq pä jun mamaʼ kʼayewal: ri chʼaʼoj chlaʼ Ucrania. Jojun rutzjol nkiʼij chë jun ye 300,000 soldados aj Ucrania chqä aj Rusia ye kamnäq o ye sokotajnäq rma ri chʼaʼoj. Nbʼix chqä chë jun ye 30,000 winäq ri ma ye soldados ta ye kamnäq. Ye kʼa, rkʼë jbʼaʼ, más na chik winäq ye kamnäq.

 Tapeʼ ke riʼ, jontir ri najin yebʼanatäj nkikʼüt chë ri chʼaʼoj achiʼel ta ma xtkʼis ta yän.

•   «Tapeʼ jbʼaʼ ma jun junaʼ qʼaxnäq chë ri soldados aj Rusia xeʼok apü chwäch Ucrania, majun ta retal chë re chʼaʼoj reʼ xtbʼekʼis yän. Chqä ma nqʼalajin ta chë jun chkë ri kaʼiʼ tinamït riʼ najin nchʼakon o chë nrajoʼ ta nukanuj rubʼanik rchë nsolotäj ri kʼayewal» (NPR [radio pública nacional de Estados Unidos], 19 de febrero, 2023).

 Nqʼax chqawäch achkë rma kan ye kʼïy winäq yebʼison rma ri rupoqonal ri najin nuyaʼ qa re chʼaʼoj reʼ chqä nkʼaj chik chʼaʼoj pa kiwiʼ winäq ri ye kʼo chwäch jontir le Ruwachʼlew. ¿Achkë kʼuqbʼäl kʼuʼx nuyaʼ le Biblia? ¿Kʼo komä jun qʼij ri ma xkebʼanatäj ta chik chʼaʼoj?

 Le Biblia nutzjoj rij jun chʼaʼoj ri pa rukʼexel yerutzʼlaʼ ri winäq, xa kan xkeruköl. Re chʼaʼoj reʼ rubʼiniʼan Armagedón, y ri wuj Apocalipsis nuʼij ruchʼaʼoj Dios che rä (Apocalipsis 16:14, 16). Rkʼë re chʼaʼoj reʼ, Dios xtchüp kiwäch jontir ri qʼatbʼäl taq tzij, ri kimä ryeʼ yebʼanatäj chʼaʼoj ri xa xuʼ kʼayewal rukʼamon pä pa kiwiʼ ri winäq. Rchë natamaj achkë rubʼanik ri Armagedón xtuʼän chë ma xkejeʼ ta chik chʼaʼoj, taskʼij kiwäch re peraj reʼ:

•   ¿Qué es el Armagedón?

•   Ri Armagedón, jun utziläj rutzjol chkë ri rusamajelaʼ Dios