CAMPAÑA RI KAN KʼO RUQʼIJ
Ri yabʼil | ¿Achkë xtuʼän ri Ruqʼatbʼäl Tzij Dios?
«Tapeʼ ri COVID-19 ma najin ta chik yerutzʼlaʼ ye kʼïy winäq chwäch jontir le Ruwachʼlew, ma ntel ta chë tzij chë majun ta chik kʼayewal najin nukʼäm pä. […] Ütz nqayoʼej chë chqawäch apü xtpë chik jun itzel yabʼil ri kan xkerutzʼlaʼ ye kʼïy winäq, rma riʼ nkʼatzin nqatzʼët achkë ütz nqaʼän apü» (Tedros Adhanom Ghebreyesus, ri kʼwayon bʼey chpan ri Organización Mundial de la Salud, 22 de mayo, 2023).
Ye kʼïy winäq kʼa najin na nkitäj poqän rma ri bʼis chqä jojun yabʼil ri xyaʼ qa ri COVID-19. ¿Kitzʼeton chik apü ri doctores chqä ri qʼatbʼäl taq tzij achkë nkʼatzin nkiʼän we npë chik jun yabʼil achiʼel riʼ? O, tqaquʼ rij reʼ, ¿xkekowin xtkesaj ri jalajöj kiwäch yabʼil kʼo komä?
Le Biblia nuʼij chë «ri Dios ri kʼo chkaj, xtyaʼ jun ruqʼatbʼäl tzij», chqä chë ri qʼatbʼäl tzij riʼ xtresaj jontir kiwäch yabʼil (Daniel 2:44). Chqä le Biblia nuʼij chë «majun ta chik jun winäq xtbʼin: ‹Yïn yawaʼ›» (Isaías 33:24). Jontir winäq kan xtjeʼ kichqʼaʼ chqä majun ta chik jun xtyawäj (Job 33:25).