RI QAKʼASLEMAL RÖJ RI CRISTIANOS

Keʼatoʼ ri winäq ri majun ta ki-religión rchë nkitamaj ruwäch Dios

REPRODUCIR EN

¿Kʼo komä jmul ma xawajoʼ ta xatzjoj le Biblia che rä jun winäq ri ma nrajoʼ ta nutamaj chrij Dios? Rkʼë jbʼaʼ xaʼän riʼ rma xaquʼ chë ma xkaturkʼoxaj ta. Ye kʼa ma tamestaj ta chë kʼïy chkë ri qachʼalal ri ye kʼo komä, rubʼanon qa ma nkajoʼ ta nkitamaj chrij religión o ma nkinmaj ta chë kʼo Dios. Ye kʼïy chkë ryeʼ xuʼ xkʼatzin jbʼaʼ kitoʼik rchë xkitzʼët chë kʼo Dios (Ro 1:20; 10:14).

TAQ XATZʼËT YÄN RI VIDEO MA TAMESTAJ TA REʼ: RI MAJUN TA KIKʼUQBʼÄL KʼUʼX YEKOWIN NJEʼ KIKʼUQBʼÄL KʼUʼX. RI WINÄQ RI MA NKAJOʼ TA NKITAMAJ CHRIJ RELIGIÓN, KEʼAQʼALAJSAJ RE KʼUTUNÏK REʼ:

¿Achkë rubʼanik yaturtoʼ ri xbʼanatäj rkʼë Tommaso rchë natzjoj le Biblia chkë ri winäq ri ma nkajoʼ ta nkitamaj chrij Dios?

Ruqʼalajsaxik

Ri rubʼanik nasmajij

Taq rït nawïl jun winäq ri ma nrajoʼ ta nutamaj chrij Dios, kan ütz anaʼoj tabʼanaʼ rkʼë, tachaʼ na achkë xtaʼij che rä chqä tayaʼ axkïn che rä ri xtuʼij pä chawä (2Ti 2:24). Tatzjoj che rä ri nrajoʼ ryä nutamaj. ¿Nrajoʼ ri winäq riʼ nutamaj achkë xbʼanö chkë ye kʼïy winäq rchë xkinmaj chë kʼo jun xbʼanö qchë? We ke riʼ, taksaj ri publicaciones chqä ri videos ri xebʼan rchë yeksäx kikʼë re winäq reʼ. Ri folletos ¿Es la vida obra de un Creador? chqä El origen de la vida. Cinco cuestiones dignas de análisis xeyaʼöx chpan ri samajbʼäl rchë nyaʼöx tjonïk rchë ma kʼayewal ta yeʼawïl.

Pa naʼäy, rkʼë jbʼaʼ naxiʼij jbʼaʼ awiʼ natzjoj le Biblia che rä jun winäq ri ma nunmaj ta chë kʼo Dios. We ke riʼ nanaʼ rït, takʼutuj atoʼik che rä jun qachʼalal ri kan kʼïy chik junaʼ rutzjon pä le Biblia. Y ma tamestaj ta reʼ: Jehová nkowin yaturtoʼ rchë yatapon pa kan ri winäq, yajün taq ryeʼ ma nkinmaj ta chë kʼo ryä (Hch 13:48).

WUJ RCHË RI QAMOLOJ QAKʼASLEMAL CHQÄ QASAMAJ RÖJ RI CRISTIANOS