Ye kʼïy winäq ma nkikʼuqbʼaʼ ta kikʼuʼx chkij ri kʼo uchqʼaʼ pa kiqʼaʼ. ¿Achkë rma? Rma ye kʼïy winäq kiksan ri uchqʼaʼ kʼo pa kiqʼaʼ xa xuʼ rchë nkïl qa utzil ryeʼ. Kan ya riʼ bʼanatajnäq pä chpan ri junaʼ ri ye qʼaxnäq pä (Miq 7:3). ¡Kan jaʼäl chë chpan rutinamit Dios ma ke riʼ ta nbʼanatäj! Jehová rukʼutun chkiwäch ri ukʼwäy taq bʼey achkë rubʼanik nkʼatzin nkiksaj ri uchqʼaʼ kʼo pa kiqʼaʼ rchë kʼo utzil nkïl ri ye kʼo chpan ri congregación (Est 10:3; Mt 20:25, 26).

Ri ukʼwäy taq bʼey ma ye achiʼel ta ri winäq ri yaʼon uchqʼaʼ pa kiqʼaʼ ri ye kʼo komä. Ryeʼ yekitoʼ ri qachʼalal rma nkajoʼ Jehová chqä yekajoʼ ryeʼ (Jn 21:16; 1Pe 5:1-3). Ri ukʼwäy taq bʼey nkismajij ri xuʼij qa Jesús chqä yekitoʼ jontir ri publicadores rchë kan jaʼäl nkinaʼ yejeʼ chpan ru-familia Jehová chqä rchë junan nuʼän kiwäch rkʼë ryä. Ryeʼ ma nkikʼewaj ta yekitoʼ rusamajelaʼ Jehová ri achiʼel ta ye rukarneʼl ryä. Y, taq kʼo jun nüm kʼayewal nbʼanatäj o jun qachʼalal nkʼatzin nbʼä rkʼë jun doctor, ryeʼ ronojel mul ye kʼo chriʼ rchë yetoʼon. We rït nkʼatzin atoʼik, majun taquʼ ta, katzjon rkʼë jun ukʼwäy bʼey ri kʼo chpan a-congregación (Snt 5:14).

TAQ XATZʼËT YÄN RI VIDEO RI UKʼWÄY TAQ BʼEY YEKICHAJIJ RUSAMAJELAʼ DIOS, KEʼAQʼALAJSAJ RE KʼUTUNÏK REʼ:

• ¿Achkë xnaʼ ya Mariana taq ri ukʼwäy taq bʼey xkiyaʼ rutoʼik?

  Ruqʼalajsaxik

• ¿Achkë xnaʼ Elías taq ri ukʼwäy taq bʼey xkiyaʼ rutoʼik?

  Ruqʼalajsaxik

• Komä ke xatzʼët re video reʼ, ¿achkë naquʼ rït chrij ri samaj nkiʼän ri ukʼwäy taq bʼey?

  Ruqʼalajsaxik