Tqakʼamaʼ qanaʼoj chrij Jesús
TQAJYOWAJ KIWÄCH RI NKʼAJ CHIK
Rma Jesús majun ta mak chrij, ma kan ta xrïl kʼayewal achiʼel nqïl röj. Tapeʼ ke riʼ, ryä kan xjyowaj kiwäch ri winäq y kan xtäj ruqʼij chkitoʼik. Ryä xuʼän más pa kiwiʼ ri winäq chwäch ri kiyoʼen wä ryeʼ. Kantzij na wä chë xerutoʼ ri winäq rma xjyowaj kiwäch. Tqatzʼetaʼ jojun tzʼetbʼäl chrij riʼ chkipan ri capítulos 32, 37, 57 y 99.
TQABʼANAʼ CHË RI WINÄQ MA NKIXIʼIJ TA KIʼ YEJELUN PÄ QKʼË
Xa bʼa jaruʼ kijunaʼ ri winäq, yajün ri akʼalaʼ, kan jaʼäl xkinaʼ xejelun rkʼë Jesús rma ryä ma xyonij ta äl riʼ nixta xnaʼ riʼ. Taq ri winäq xkitzʼët chë nchʼpü chkij, kan jaʼäl xkinaʼ xejeʼ rkʼë. Tqatzʼetaʼ achkë rma nqaʼij chë ke riʼ xuʼän chkipan ri capítulos 25, 27 y 95.
CHAQ TAQÏL QCHʼÖ RKʼË DIOS
Taq Jesús xchʼö rkʼë Rutataʼ, kan pa ran xel wä jontir ri xuʼij che rä. Xuʼän riʼ taq kʼo wä ruyonïl chqä taq kʼo wä kikʼë ri winäq ri nkiyaʼ ruqʼij Dios. Kʼïy mul xchʼö rkʼë Rutataʼ y ma xa xuʼ ta taq xwaʼ. Taq xchʼö rkʼë Rutataʼ, ryä xtyoxin che rä y xyaʼ qʼanäj ruqʼij chqä xkʼutuj rutoʼik che rä taq kʼo jun chʼobʼoj xkʼatzin xuʼän. Tqatzʼetaʼ riʼ chkipan ri capítulos 24, 34, 91, 122 y 123.
QCHʼPÜ CHKIJ RI NKʼAJ CHIK
Tapeʼ kʼo mul Jesús kosnäq y kan nkʼatzin wä nuxlan, ryä ma xuʼän ta riʼ rchë xerutoʼ ri winäq. Ma xa xuʼ ta ryä xquʼ qa riʼ. Rkʼë ri xuʼän, xyaʼ qa jun tzʼetbʼäl chqawäch. Tqatzʼetaʼ achkë rubʼanik xsmajij ri naʼoj riʼ chkipan ri capítulos 19, 41 y 52.
KEQAKYUʼ RI NKʼAJ CHIK
Ryä ma xa xuʼ ta xuʼij chë kʼo chë nqkyun, xa kan xkyun chqä. Ryä xküy kimak ri rutzeqelbʼëy chqä ri nkʼaj chik winäq. Tqatzʼetaʼ achkë rubʼanik xuʼän riʼ chkipan ri capítulos 26, 40, 64, 85 y 131.
TQAYAʼ RUQʼIJ DIOS RKʼË RONOJEL QAN
Ri profecías xkiʼij chë kan jontir bʼaʼ judíos xtkitzelaj wä ri Mesías y chë xtkamsäx kimä ri itzel nkinaʼ che rä, ye kʼa ma rma ta riʼ Jesús ma ta xyaʼ ran chrij ruyaʼik ruqʼij Jehová. Ryä kan xtäj ruqʼij rchë xerutoʼ ri winäq rchë nkiyaʼ ruqʼij Jehová. Jesús kan xkʼüt qa chqawäch achkë ütz nqaʼän taq ri winäq ma nkiyaʼ ta kixkïn chqë o taq nkiyaʼ kʼayewal pa qawiʼ. Keqatzʼetaʼ ri naʼoj ye kʼo chkipan ri capítulos 16, 72 y 103.
MA TQANAʼ TA QIʼ
Jesús kan qʼaxnäq wä ruwiʼ runaʼoj chqä retamabʼal chkiwäch ri nkʼaj chik. Rma ryä majun ta mak chrij, majun ta jun nkowin nujnamaj riʼ rkʼë. Tapeʼ ke riʼ, ryä kan ma xnaʼ ta riʼ y xsamäj pa kiwiʼ ri nkʼaj chik. Tqatzʼetaʼ achkë nqatamaj qa chrij ri rubʼanik ma xnaʼ ta riʼ chkipan ri capítulos 10, 62, 66, 94 y 116.
MA TIKʼO TA QAKʼUʼX CHKITOʼIK RI NKʼAJ CHIK
Taq rutzeqelbʼëy Jesús chqä ri nkʼaj chik winäq ma xkikʼän ta kinaʼoj chrij o ma xkismajij ta achkë xuʼij chkë, ryä ma xikʼo ta rukʼuʼx kikʼë. Ryä chaq taqïl xnataj chkë ri achkë kʼo chë nkiʼän rchë yejelun más rkʼë Jehová. Tqatzʼetaʼ achkë rubʼanik xuʼän riʼ chkipan ri capítulos 74, 98, 118 y 135.
