¿Achkë xtqtoʼö rchë kiʼ qakʼuʼx xtqjeʼ pa qa-familia?
¿Naʼij rït chë...
-
... ri nqajoʼ qiʼ?
-
... ri päq?
-
... xa bʼa achkë na chik jun?
RI NUʼIJ LE BIBLIA
«¡Kiʼ kikʼuʼx ri nkiyaʼ kixkïn che rä Ruchʼaʼäl Dios chqä nkismajij!» (Lucas 11:28, Traducción del Nuevo Mundo, 2019).
¿ACHKË UTZIL NUKʼÄM PÄ PA QAWIʼ RI NQATAMAJ RIʼ?
Kantzij xtqajoʼ qiʼ (Efesios 5:28, 29).
Ma xtqaqasaj ta qaqʼij chqawäch (Efesios 5:33).
Ma xtqaquʼ ta chë ri qa-familia xtjäch riʼ (Marcos 10:6-9).
¿ACHKË RMA ÜTZ NQANMAJ RI NUʼIJ LE BIBLIA?
Rma re kaʼiʼ naʼoj reʼ:
-
Yë Dios xbʼanö ri familia. Le Biblia nuʼij chë yë Jehová xbʼanö kichë «jontir familias ri ye kʼo chkaj chqä chwäch le Ruwachʼulew» (Efesios 3:14, 15). ¿Achkë rma kan kʼo rejqalen nqatamaj riʼ?
Taquʼ rij reʼ: we najin natäj jun jaʼäl rukïl wäy y nawajoʼ natamaj achkë qäs xyaʼöx qa rkʼë, ¿achoq che rä komä xtakʼutuj wä? ¿Tapeʼ chë xtakʼutuj che rä ri xbʼanö ri rukïl wäy riʼ?
Ke riʼ chqä nbʼanatäj rkʼë ri familia. We rït nawajoʼ natamaj achkë rubʼanik xtawïl kiʼkʼuxlal pan a-familia, ri más ütz ya riʼ nakʼutuj anaʼoj che rä Jehová, ri xbʼanö kichë jontir familias (Génesis 2:18-24).
-
Dios kowan nqrajoʼ. Rït chqä a-familia xtiwïl utzil we nismajij ri naʼoj nuyaʼ Jehová chiwä chpan le Biblia, «rma ryä kan najin yixurchajij pä» (1 Pedro 5:6, 7). Jehová nrajoʼ chë ütz nqbʼä pa qakʼaslemal. Y ri naʼoj ri yeruyaʼ, ronojel mul nkikʼäm pä utzil pa qawiʼ (Proverbios 3:5, 6; Isaías 48:17, 18).
TAKʼUTUJ QA REʼ CHAWÄCH
¿Achkë rubʼanik yinok jun utziläj achijilonel, ixjayilonel o jun utziläj teʼej o tataʼaj?
Ri ruqʼalajsaxik re kʼutunïk reʼ xtawïl chpan EFESIOS 5:1, 2 y chpan COLOSENSES 3:18-21.
Rkʼë jbʼaʼ nawajoʼ natzʼët chqä reʼ
¡DESPERTAD!
Familias ri kan kiʼ kikʼuʼx: Titolaʼ iwiʼ chiwäch
Y rïx, ¿yïx kʼlan o xa xuʼ ikʼwan iwiʼ?
CHQIJ RÖJ
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
CHQIJ RÖJ
We nawajoʼ chë kʼo jun nbʼechʼaʼen awchë
Tanukʼuj rij jun naʼoj ri kʼo chpan le Biblia o tatamaj más chkij ri testigos de Jehová.
