TACHAPAʼ TZIJ
NAʼOJ 2
Eqal tbʼerilaʼ riʼ itzij chrij le Biblia
Ri nuʼij le Biblia: «Kan kʼo utzil nukʼäm pä ri tzij taq kan ya riʼ nkʼatzin nkʼaxatäj» (Prov. 15:23).
Ri xuʼän Felipe
1. Tatzʼetaʼ ri VIDEO o taskʼij ruwäch Hechos 8:30, 31. Chrij riʼ, taquʼ kij re kʼutunïk reʼ:
¿Achkë nqatamaj qa chrij Felipe?
2. We nqayaʼ qʼij chë eqal nrïl riʼ qatzij chrij le Biblia, ri winäq rkʼë jbʼaʼ más xtrajoʼ xtyaʼ ruxkïn chqë y jaʼäl xtnaʼ xttzjon qkʼë.
Takʼamaʼ anaʼoj chrij Felipe
3. Taquʼ rij ri winäq. ¿Achkë nukʼüt chawäch chrij ri winäq ri rachbʼäl chqä ri rubʼanik nusloj ruqʼaʼ? ¿Nqʼalajin chrij chë nrajoʼ ntzjon qkʼë? Jun ri ütz nqaʼän taq nqajoʼ nqatzjoj apü jun naʼoj chrij le Biblia ya riʼ nqaʼij reʼ: «¿Ataman chë…?». We jun winäq ma nrajoʼ ta ntzjon awkʼë, ma tatäj ta aqʼij chrij.
4. Tatzʼetaʼ na ajän (jampeʼ) ütz natzjoj le Biblia. Ma taquʼ ta chë nkʼatzin natzjoj yän le Biblia che rä ri winäq. Tatzʼetaʼ na ajän ütz naʼän riʼ, chrij riʼ takanuj rubʼanik rchë natzjoj apü le Biblia. Rkʼë jbʼaʼ xtkʼatzin xtayoʼej na kʼa taq xkatzjon chik jmul rkʼë ri winäq.
5. Tajalaʼ ri achʼobʼon naʼij we ya riʼ najowatäj. Rkʼë jbʼaʼ ri winäq xtchäp tzij chrij jun ri ma ayoʼen ta rït. Rma riʼ, pa rukʼexel naʼij ri naʼoj ri achʼobʼon chik naʼij, tajalaʼ ri nawajoʼ naʼij apü rkʼë ri nrajoʼ nutzjoj ri winäq.
