TACHAPAʼ TZIJ
NAʼOJ 5
Kan pa rubʼeyal katzjon
Ri nuʼij le Biblia: «Ronojel mul jaʼäl rubʼanik kixtzjon» (Col. 4:6).
Ri xuʼän Pablo
1. Tatzʼetaʼ ri VIDEO o taskʼij ruwäch Hechos 17:22, 23. Chrij riʼ, taquʼ kij re kʼutunïk reʼ:
-
¿Achkë xnaʼ Pablo taq xtzʼët chë chpan Atenas ruyon wä tyox ye kʼo? (Tatzʼetaʼ Hechos 17:16).
-
¿Achkë rma nqaʼij chë Pablo kan pa rubʼeyal xtzjon kikʼë ri aj Atenas taq xtzjoj ri utziläj taq rutzjol chkë?
¿Achkë nqatamaj qa chrij Pablo?
2. Ri winäq más xkojkikʼoxaj we xtqaquʼ na achkë xtqaʼij, achkë rubʼanik xtqaʼij chqä ajän (jampeʼ) xtqaʼij.
Takʼamaʼ anaʼoj chrij Pablo
3. Tatzʼetaʼ na achkë tzij xkeʼaksaj. Tabʼanaʼ che rä chë najin yatzjon rkʼë jun winäq ri ma cristiano ta. We ke riʼ, rkʼë jbʼaʼ xtkʼatzin xtakanuj rubʼanik rchë xkatzjon rkʼë chrij le Biblia o chrij Jesús.
4. Ma chanin ta taʼij che rä ri winäq chë xa sachnäq. Tayaʼ qʼij chë ri winäq nuʼij ri nuquʼ. Y taq kʼo jun xtuʼij ri ma rukʼwan ta riʼ rkʼë le Biblia, ma chanin ta taʼij che rä chë xa sachnäq (Sant. 1:19). We xtakʼoxaj ri winäq, xtqʼax chawäch achkë nunmaj chqä achkë rma nunmaj ya riʼ (Prov. 20:5).
5. Taq ütz nuʼän, taʼij che rä ri winäq chë kan ütz ri xuʼij pä. Tnatäj chawä chë rkʼë jbʼaʼ ri winäq kan ruyaʼon chwäch ran chë ri nunmaj ya riʼ ri ütz. Rma riʼ, naʼäy takanuj jun naʼoj ri nunmaj ryä chqä, chrij riʼ eqal tatoʼ rchë nqʼax chwäch ri nukʼüt le Biblia.
