NAʼOJ C
¿Achkë rubʼanik yeʼatjoj ri winäq rkʼë ri libro Nawajoʼ rït yakʼaseʼ?
Ri qachʼalal kan xkikʼutuj kitoʼik che rä Jehová chqä kowan xkiquʼ achkë naʼoj xtkiyaʼ pä chpan ri libro Nawajoʼ rït yakʼaseʼ. Rma riʼ, rchë kan pa rubʼeyal xtaksaj re libro reʼ, tabʼanaʼ reʼ taq xkeʼatjoj ri winäq.
Taq majanä katapon rkʼë ri winäq
-
1. Tatjoj äl awiʼ. Taquʼ achkë nkʼatzin che rä atijoxel, achkë najin nuqʼaxaj chqä achkë nunmaj. Chqä taquʼ rij achkë naʼoj ri rkʼë jbʼaʼ kʼayewal xtuʼän chwäch xtqʼax pa rujolon o kʼayewal xtuʼän chwäch xtsmajij. Tanukʼuj äl ri peraj «Rchë natamaj más» y taquʼ achkë rubʼanik ri tzijonem chqä ri videos ri ye kʼo chpan ri peraj riʼ xttoʼ atijoxel. Ya riʼ xtuʼän chë xkakowin xtaksaj ri peraj riʼ chpan ri tjonïk we xtajowatäj.
Taq najin natjoj ri winäq
-
2. We ri tijoxel nrajoʼ, kachʼö rkʼë Jehová taq xtachäp chqä taq xtakʼïs ri tjonïk.
-
3. Tatjaʼ aqʼij rchë ma yatzjon ta más. Tayaʼ awan chrij ri naʼoj ri kʼo pä chpan ri qawuj chqä tayaʼ qʼij chë ri winäq nuʼij ri nunaʼ o ri nuquʼ.
-
4. Taq xtichäp jun kʼakʼakʼ peraj, taskʼij ruwäch ri peraj «Ri xttzʼet chpan» chqä taʼij apü kibʼiʼ jojun tjonïk.
-
5. Taq xtikʼïs jun peraj, taksaj ri peraj «Tqakamluj ri xqatzʼët qa» rchë chë ri tijoxel xtnatäj pä che rä ri naʼoj xtamaj.
-
6. Taq xtinukʼuj ruwäch jun tjonïk rkʼë ri atijoxel:
-
Junan tiskʼij kiwäch ri peraj ri ye kʼo pä chpan ri naʼäy peraj.
-
Tiskʼij kiwäch jontir ri textos ri kikʼamon pä ri tzij «Tiskʼij ruwäch».
-
We nkʼatzin, tiskʼij kiwäch nkʼaj chik textos ri ye kʼo pä chpan ri tjonïk.
-
Titzʼetaʼ jontir videos ri kikʼamon pä ri tzij «Titzʼetaʼ» (we rït ütz nuʼän chawäch).
-
Keʼabʼanaʼ jontir ri kʼutunïk.
-
Tinukʼuj kiwäch ri achbʼäl ri ye kʼo pä chpan ri peraj «Tqatamaj más chrij re naʼoj reʼ».
-
Taksaj ri recuadro «Ütz naʼän reʼ» rchë kan yë ri tijoxel ntzʼetö achkë rubʼanik nkʼuqeʼ pä rukʼuʼx chpan ruchʼaʼäl Dios. Taʼij che rä chë kʼo tyaʼ chwäch nuʼän. Rkʼë jbʼaʼ ütz nuʼän ri kʼo pä chpan ri recuadro o jun chik.
-
Takʼutuj che rä si taq xtjoj riʼ chrij rutjonik, kʼo jun tzijonem o jun video xqä chwäch ri kʼo pä chpan ri peraj «Rchë natamaj más».
-
Tatjaʼ aqʼij rchë nikʼïs jun tjonïk ronojel mul taq xtatjoj ri winäq.
-
Taq xatjoj yän ri winäq
-
7. Taquʼ na rij achkë rubʼanik xtatoʼ atijoxel. Taʼij che rä Jehová chë ttoʼ rchë nkʼuqeʼ pä rukʼuʼx chpan ruchʼaʼäl Dios chqä chë tyaʼ anaʼoj rït rchë yakowin natoʼ.
