¿Achkë komä najin nqʼatö tzij pa ruwiʼ le Ruwachʼulew?
¿Naʼij rït chë...
-
... Dios?
-
... ri winäq?
-
... xa bʼa achkë na chik jun?
RI NUʼIJ LE BIBLIA
«Ronojel le Ruwachʼulew pa ruqʼaʼ ri Itzel Winäq kʼo wä» (1 Juan 5:19, Traducción del Nuevo Mundo, 2019).
«Ri Rukʼajol Dios xpë rchë nuyüj ri rusamaj ri Itzel Winäq» (1 Juan 3:8).
¿ACHKË UTZIL NUKʼÄM PÄ PA QAWIʼ RI NQATAMAJ RIʼ?
Nqʼax chqawäch achkë rma ye kʼo kʼayewal chwäch le Ruwachʼulew (Apocalipsis 12:12).
Nqayaʼ chwäch qan chë kʼo utzil xtqïl chqawäch apü (1 Juan 2:17).
¿ACHKË RMA ÜTZ NQANMAJ RI NUʼIJ LE BIBLIA?
Rma re oxiʼ naʼoj reʼ:
-
Ri ruqʼatbʼäl tzij Satanás ya xtchup ruwäch. Jehová rubʼin chik chë xtchüp ruwäch ri ruqʼatbʼäl tzij Satanás, ri najin nsmajin rchë le Ruwachʼulew. Ryä nuʼij chë xtchüp ruwäch ri Itzel Winäq chqä ronojel ri kʼayewal ruyaʼon pa kiwiʼ ri winäq (Hebreos 2:14).
-
Jesucristo ya riʼ ri qʼatöy tzij chaʼon rma Dios. Jesús ma junan ta runaʼoj rkʼë ri Itzel Winäq. Rma riʼ, Dios nuʼij reʼ chrij Jesús: «Ryä xtjyowaj ruwäch ri nuqasaj riʼ chqä ri kʼo pa mebʼaʼïl [...]. Xkeruköl chwäch ri kʼayewal yaʼon pa kiwiʼ chqä chwäch ri itzelal» (Salmo 72:13, 14).
-
Dios ma nutzʼük ta tzij. Le Biblia nuʼij chë Dios majun bʼëy nutzʼük ta tzij (Hebreos 6:18). Rma riʼ, ütz nqayaʼ chwäch qan chë Jehová kan nuʼän ri nuʼij (Isaías 55:10, 11). Y Jehová rubʼin chik chë xtchüp ruwäch ri najin nqʼatö tzij pa ruwiʼ le Ruwachʼulew komä (Juan 12:31).
TAKʼUTUJ QA REʼ CHAWÄCH
¿Achkë rubʼanik xtuʼän qakʼaslemal taq ma yë ta chik Satanás xtqʼatö tzij pa ruwiʼ le Ruwachʼulew?
Ri ruqʼalajsaxik re kʼutunïk reʼ xtawïl chpan SALMO 37:10, 11 y chpan APOCALIPSIS 21:3, 4.
Rkʼë jbʼaʼ nawajoʼ natzʼët chqä reʼ
KʼUTUNÏK RI YEBʼAN CHRIJ LE BIBLIA
¿Kan kʼo komä ri Diablo?
¿Kan kʼo komä ri Diablo, o xa ya riʼ ri itzelal kʼo pa qan?
TATAMAJ MÁS CHRIJ LE BIBLIA
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
CHQIJ RÖJ
We nawajoʼ chë kʼo jun nbʼechʼaʼen awchë
Tanukʼuj rij jun naʼoj ri kʼo chpan le Biblia o tatamaj más chkij ri testigos de Jehová.
