PERAJ 12
¿Achkë ütz nkiʼän ri familias rchë kiʼ kikʼuʼx yejeʼ?
Ri familias kiʼ kikʼuʼx xtkiʼän we xtkajoʼ kiʼ (Efesios 5:33).
Ri rupixaʼ Dios nuʼij chë xa xuʼ jun achï rkʼë jun ixöq ütz yekʼleʼ.
Ri utziläj achijilonel nutäj ruqʼij rchë nqʼax chwäch ri nunaʼ rixjayil chqä nukʼüt chwäch chë kowan nrajoʼ.
Ri ixjayilonel kʼo chë nutoʼ rachjil.
Ri akʼalaʼ kʼo chë nkinmaj kitzij kiteʼ kitataʼ.
Jun kʼlaj winäq kʼo chë ma yekiʼij ta poqän taq tzij chkiwäch chqä kʼo chë ma nkikanuj ta kikʼexel (Colosenses 3:5, 8-10).
Le Biblia nuʼij chë jun achï kʼo chë nrajoʼ rixjayil kan achiʼel nrajoʼ qa riʼ ryä. Chqä chë ri ixöq kʼo chë ma nuqasaj ta ruqʼij rachjil.
Dios ma nqä ta chwäch chë jun achï o jun ixöq nukʼwaj qa riʼ rkʼë jun winäq ri ma rukʼlaj ta. Ryä chqä ma nqä ta chwäch chë jun winäq yejeʼ ye kʼïy rachjil o ye kʼïy rixjayil.
Le Biblia yerutoʼ ri familias rchë kiʼ kikʼuʼx yejeʼ.
Rkʼë jbʼaʼ nawajoʼ natzʼët chqä reʼ
JALAJÖJ TAQ WUJ
¿Achkë xtqtoʼö rchë kiʼ qakʼuʼx xtqjeʼ pa qa-familia?
Ye kʼo yebʼin chë ri päq ya riʼ nyaʼö kiʼkʼuxlal chpan jun familia, ye kʼa ¿kantzij komä riʼ?
