PERAJ 13
¿Achkë kʼo chë nqaʼän rchë Dios kiʼ rukʼuʼx nuʼän qkʼë?
Ma keʼaʼän ta bʼanobʼäl ri xa itzel nutzʼët Dios (1 Corintios 6:9, 10).
We nqajoʼ Dios, ma xkeqaʼän ta bʼanobʼäl ri xa itzel yerutzʼët.
Ryä ma nrajoʼ ta chë nqleqʼan, nqqʼabʼär o nqatäj drogas.
Dios kan itzel nutzʼët taq jun winäq nkamsan o nuʼän tzqonïk. Chqä kan itzel nutzʼët taq xa kaʼiʼ achiʼaʼ o ixoqiʼ nkikʼwaj qa kiʼ. Ryä chqä ma nqä ta chwäch chë nqaʼän chʼaʼoj chqä chë nbʼä qan chrij ri bʼeyomäl.
Ma ütz ta nqayaʼ kiqʼij tyox, nqbʼä kikʼë ajqʼijaʼ o yeqaʼän itz.
Ri winäq ri yebʼanö ri itzel taq bʼanobʼäl riʼ ma xkejeʼ ta chwäch ri Kotzʼijaläj Ulew.
Keʼabʼanaʼ utziläj taq bʼanobʼäl pa kiwiʼ ri nkʼaj chik (Mateo 7:12).
Jehová nrajoʼ chë nqatäj qaqʼij rchë nqakʼän qanaʼoj chrij.
Nakʼüt chë yeʼawajoʼ ri nkʼaj chik taq yaspan chqä ütz anaʼoj naʼän kikʼë.
Ma kaleqʼan ta.
Keʼakyuʼ ri nkʼaj chik rkʼë ronojel awan.
Tatzjoj chrij Dios chqä chrij ri rupixaʼ chkë ri nkʼaj chik (Isaías 43:10).
Rkʼë jbʼaʼ nawajoʼ natzʼët chqä reʼ
CHQIJ RÖJ
¿Achkë rma ütz nqatjoj qiʼ chrij le Biblia? (versión completa)
Pa millón chkë ri winäq ronojel ruwachʼulew kilon chpan le Biblia ri kiqʼalajsaxik ri kʼutunïk ri kan kʼo kejqalen. ¿Nawajoʼ natamaj kiqʼalajsaxik rït chqä?
