Dios xeruksaj jojun achiʼaʼ rchë xkitzʼibʼaj runaʼoj chpan jun wuj ri kan loqʼoläj. Ri wuj riʼ ya riʼ le Biblia. Chpan le Biblia ye kʼo naʼoj ri kan kʼo kejqalen, y Dios nrajoʼ chë röj yeqatamaj ri naʼoj riʼ.

Majun ta jun ri kʼo más runaʼoj chwäch Dios. Ryä retaman achkë ri más ütz chqë röj. We nqakʼoxaj rutzij, xtqatamaj achkë kʼo chë nqaʼän rchë ütz xtqbʼä pa qakʼaslemal (Proverbios 1:5).

Ryä nrajoʼ chë jontir winäq nkiskʼij ruwäch le Biblia. Rma riʼ, kan qʼaxan pa kʼïy chʼaʼäl.

We nqajoʼ nqakʼoxaj rutzij Dios, kʼo chë nqaskʼij ruwäch le Biblia chqä kʼo chë nqʼax pa qajolon ri nuʼij.

Ri testigos de Jehová xkatkitoʼ rchë xtqʼax ri naʼoj chawäch ri ye kʼo chpan le Biblia.

Ryeʼ nkikʼüt ri kantzij chrij Dios chwäch jontir le Ruwachʼulew.

Rït xtatamaj más chrij Dios we xkabʼä kikʼë ri testigos de Jehová chpan ri kimoloj. Chqä majun ta xtkʼatzin xtatöj rchë xkatkitjoj chrij le Biblia.