PERAJ 4
¿Achkë xbʼanatäj taq Adán y Eva xa Satanás xkikʼoxaj rutzij?
Rma ma xkinmaj ta rutzij Dios, Adán y Eva xekäm (Génesis 3:6, 23).
Eva xa yë ri kumätz xnmaj rutzij. Rma riʼ xtäj ruwäch ri cheʼ ri xbʼix chkë chë ma tkitäj ta. Chrij riʼ, Eva xyaʼ ruwäch ri cheʼ riʼ che rä Adán, ke riʼ taq Adán xtäj ruwäch ri cheʼ riʼ.
Ri xkiʼän Adán y Eva kan ma ütz ta. Ryeʼ kan jun mamaʼ mak xkiʼän chwäch Dios. Rma riʼ, Dios xeresaj äl chwäch ri utziläj ulew Edén.
Ryeʼ chqä ri kalkʼwal xepë kʼayewal chkij. Xeqʼax ri junaʼ, Adán y Eva xerjïx chqä xekäm. Taq xekäm, ryeʼ ma xebʼä ta chkaj o jukʼan chik; xa chriʼ xkʼis wä kikʼaslemal.
Taq jun winäq nkäm, ntok ulew chqä majun ta chik nkowin nuʼän (Génesis 3:19).
Jontir röj yoj kalkʼwal qa Adán y Eva. Rma riʼ, röj chqä xa nqkäm. Ri kamnaqiʼ ma yetzuʼun ta, ma yekʼoxan ta chqä majun ta achkë yekowin nkiʼän (Eclesiastés 9:5, 10).
Jehová ma nrajoʼ ta chë ri winäq yekäm. Rma riʼ, chqawäch apü xkerukʼasoj pä ri winäq ri ye kamnäq äl. Y, we xtkinmaj rutzij, ryeʼ ma xkekäm ta chik, xa kan xtkïl ri kʼaslemal ri majun bʼëy xtkʼis ta.
