PERAJ 9
¿Ajän xttok jun kotzʼijaläj ulew le Ruwachʼulew?
Ronojel ri kʼayewal najin yebʼanatäj nkikʼüt chë ri Ruqʼatbʼäl Tzij Dios xa naqaj chik kʼo pä (Lucas 21:10, 11; 2 Timoteo 3:1-5).
Le Biblia kan ojer chik rubʼin pä ronojel ri kʼayewal najin yeqatzʼët komä. Chriʼ nuʼij chë ri akʼalaʼ ma xtkinmaj ta chik kitzij kiteʼ kitataʼ chqä chë ri winäq kan itzel xtuʼän kinaʼoj, y xa más xtbʼä kan chrij ri päq chqä ri kʼastanen.
Chqä xuʼij chë xkebʼanatäj mamaʼ taq slonel chqä chʼaʼoj, xtjeʼ wayjal chqä xkepë kʼïy yabʼil. Kan achiʼel najin nbʼanatäj komä.
Jesús xuʼij chë ri utziläj taq rutzjol chrij ri Ruqʼatbʼäl Tzij Dios xttzjöx na chwäch ronojel le Ruwachʼulew (Mateo 24:14).
Ri Ruqʼatbʼäl Tzij Dios xtchüp ruwäch ronojel ri itzelal (2 Pedro 3:13).
Xa jbʼaʼ chik apü, Jehová xtchüp kiwäch jontir ri itzel taq winäq.
Satanás chqä ru-demonios xtchup kiwäch.
Ri winäq ri xkekʼoxan rutzij Dios xkeyaʼöx chwäch jun kotzʼijaläj ulew. Chwäch ri ulew riʼ majun ta chik jun xtxiʼij riʼ rma jontir xtkajowalaʼ kiʼ chqä junan xtuʼän kiwäch.
Rkʼë jbʼaʼ nawajoʼ natzʼët chqä reʼ
JALAJÖJ TAQ WUJ
¿Kʼo komä jun ruqʼatbʼäl tzij Dios?
Rkʼë jontir ri xuʼän Jesús taq xjeʼ aweʼ chwäch le Ruwachʼulew, nqʼalajin chqawäch achkë xtuʼän ri Ruqʼatbʼäl Tzij Dios chqawäch apü.
JALAJÖJ TAQ WUJ
¿Kʼo komä jun qʼij ma xtqatäj ta chik poqän?
Le Biblia nuʼij chë Dios itzel nutzʼët ri itzelal chqä chë nqrajoʼ chqajujnal. ¿Achkë utzil nukʼäm pa qawiʼ ri nqatamaj riʼ?
