Pa rubʼeyal tqaskʼij ruwäch wuj y q-ok utziläj taq tijonelaʼ
Re folleto reʼ xkarutoʼ rchë pa rubʼeyal xtaskʼij ruwäch wuj chkiwäch ri winäq chqä rchë yatok jun utziläj tijonel.
Ri nrajoʼ nuʼij ri Molaj Ukʼwäy Bʼey chawä
Röj najin nqatzjoj ri kʼo más rejqalen, ri nkʼatzin nkikʼoxaj ri winäq chwäch jontir le Ruwachʼulew
NAʼOJ 1
Ütz tabʼanaʼ che rä kiksaxik ri naʼäy taq tzij
Ri pa rubʼeyal yeʼaksaj ri naʼäy taq tzij kʼo chë naksaj oxiʼ naʼoj chpan.
NAʼOJ 2
Ri ütz naʼän rchë kan pa awan ntel pä ri naʼij
Ri kan pa awan ntel pä ri naʼij ntel chë tzij naʼij ri kan achkë nanaʼ y ma chubʼanik ta naʼän. We xtaʼän riʼ, ri winäq kan ütz xtkinaʼ y más xtkiyaʼ kixkïn chawä.
NAʼOJ 3
Keʼabʼanaʼ kʼutunïk
Keʼabʼanaʼ kʼutunïk rchë chë ri winäq kan nkirayij yatkikʼoxaj y rchë yeʼaqʼalajsaj naʼoj ri kʼo más kejqalen.
NAʼOJ 4
Ri ütz naʼij apü taq ya naskʼij jun texto bíblico
Taq naskʼij apü jun texto bíblico taʼij apü achkë rma naskʼij, ke riʼ, ri yekʼoxan awchë xtkajoʼ xkatkikʼoxaj.
NAʼOJ 5
Chöj tabʼanaʼ che rä ruskʼixik ruwäch wuj
Rchë naqʼaxaj apü chkiwäch ri winäq ri ruchʼobʼonïk Jehová, janina ruqʼij ütz naʼän che rä ruskʼixik ruwäch wuj.
NAʼOJ 6
Ütz ütz keʼaqʼalajsaj ri textos bíblicos
Keʼatoʼ ri yekʼoxan awchë rchë nqʼax chkiwäch achkë rubʼanik rukʼwan riʼ ri texto bíblico rkʼë ri naʼoj ri nawajoʼ nakʼüt.
NAʼOJ 7
Keʼaksaj tzʼaqät taq naʼoj
Rchë yeʼatoʼ ri winäq rchë nqʼax chkiwäch ri najin natzjoj chkë, nkʼatzin yeʼaksaj naʼoj ri kantzij yetzjon.
NAʼOJ 8
Keʼaksaj tzʼetbʼäl rchë yeʼatjoj ri winäq
Keʼaksaj tzʼetbʼäl ri ma kʼayewal ta yeqʼax. Ke riʼ, ri winäq kan nbʼä kan chrij ri nakʼüt chkiwäch y nqʼax pa kijolon naʼoj ri kan kʼo kejqalen.
NAʼOJ 9
Ütz kiksaxik tabʼanaʼ chkë ri achbʼäl
Keqaksaj achbʼäl rchë chë ri naʼoj ri más kejqalen kan nkanaj pa kijolon ri winäq.
NAʼOJ 10
Ri rubʼanik najäl achʼaʼäl taq yatzjon o naskʼij ruwäch wuj
Tajalalaʼ rubʼanik yatzjon, taqasaj y tajtobʼaʼ ruchqʼaʼ ri achʼaʼäl y tatamaj ajän yatzjon chanin o eqal. Ke riʼ, ri winäq kan xtkinaʼ ri naʼij chkë.
NAʼOJ 11
Kan rkʼë kiʼkʼuxlal katzjon
Ri kan kiʼ akʼuʼx naʼän nukʼüt achkë nanaʼ rït chrij ri najin naʼij, y riʼ nuʼän chë ri winäq kan nkiyaʼ kixkïn chawä.
NAʼOJ 12
Ütz anaʼoj tabʼanaʼ y tanaʼ ri nkinaʼ ri winäq
We ütz anaʼoj naʼän kikʼë ri winäq, ryeʼ xtkitzʼët chë kantzij nawajoʼ nayaʼ kitoʼik.
NAʼOJ 13
Takʼutuʼ achkë utzil nukʼäm pä ri nsmajïx ri naʼoj najin nakʼüt
Keʼatoʼ ri winäq rchë nqʼax chkiwäch achkë utzil nukʼäm pä pa kiwiʼ ri naʼoj najin nakʼüt y takʼutuʼ chkiwäch achkë rubʼanik nkismajij.
NAʼOJ 14
Keʼakʼutuʼ ri naʼoj más kejqalen
Keʼatoʼ ri winäq rchë nqʼax chkiwäch ri atzijonem y rchë nkitzʼët achkë rubʼanik kikʼwan kiʼ ri naʼoj más kejqalen, ri tema y achkë qäs nawajoʼ nakʼüt.
NAʼOJ 15
Takʼutuʼ rkʼë rubʼanik yatzjon chë aponäq pa awan ri naʼij
Takʼutuʼ rkʼë rubʼanik yatzjon chë chawäch rït janina rejqalen ri naʼoj najin nakʼüt.
NAʼOJ 16
Takʼuqbʼaʼ kikʼuʼx ri yekʼoxan awchë
Takʼuqbʼaʼ kikʼuʼx ri winäq y ma xa xuʼ ta katzjon chkij ri kʼayewal najin yebʼanatäj. Tabʼanaʼ chë nkikʼuqbʼaʼ kikʼuʼx chrij ri kantzij ye kʼo chpan le Biblia.
NAʼOJ 17
Ma keʼaksaj ta kʼayewaläj taq tzij taq yatzjon
Tatjaʼ aqʼij rchë nqʼax chkiwäch ri winäq ri najin natzjoj chkë. Chqä kan pa rubʼeyal keʼaqʼalajsaj apü ri naʼoj más kejqalen.
NAʼOJ 18
Keʼakʼutuʼ utziläj taq naʼoj ri yekitoʼ ri winäq pa kikʼaslemal
Tabʼanaʼ chë ri yekʼoxan awchë nkiquʼ rij ri najin nakʼüt chkiwäch. Chqä takʼutuʼ naʼoj ri yekitoʼ ri winäq pa kikʼaslemal.
NAʼOJ 19
Tabʼanaʼ chë napon pa kan ri winäq ri naʼoj najin nakʼüt
Keʼatoʼ ri winäq rchë nkajoʼ Jehová chqä rchë nkiloqʼoqʼej le Biblia.
NAʼOJ 20
Ütz tabʼanaʼ che rä kiksaxik ri rukʼisbʼäl taq tzij
Ri ütz naʼän che rä kiksaxik ri rukʼisbʼäl taq tzij, xkerutoʼ ri winäq rchë ma nkimestaj ta ri xakʼüt chkiwäch chqä rchë nkismajij pa kikʼaslemal.
Ri naʼoj yensmajin chik
Tatzʼibʼaj ri fecha ri xasmajij jun naʼoj, ke riʼ xtatamaj achkë xtkʼatzin chawä rchë pa rubʼeyal xtaskʼij ruwäch wuj y rchë xkatok jun utziläj tijonel.
