Tatjoj apü awiʼ chrij ri nawajoʼ nakʼüt. Kʼo chë nqʼax chawäch ri nawajoʼ nakʼüt, ke riʼ kan kikʼë atzij xtaʼij wä y ma kʼayewal ta xtuʼän chawäch xtaqʼalajsaj apü.

Koköj kaqän atzij keʼaksaj rchë nqʼax ri nawajoʼ nakʼüt. Koköj kaqän atzij keʼaksaj we nawajoʼ chë nqʼax chkiwäch ri winäq ri naʼoj más kejqalen.

Keʼaqʼalajsaj ri tzij ri ma kan ta tamatäl kiwäch. Tatjaʼ aqʼij rchë ma yeʼaksaj ta ri tzij riʼ. Chqä keʼaqʼalajsaj ri tzij o naʼoj ri ma kan ta tamatäl kiwäch kimä ri winäq, achiʼel ri tzij yeʼuksäx wä ojer, ri winäq yetzjöx chpan le Biblia, ri rubʼanik npaj o netäx wä xa bʼa achkë jun o ri rubʼanik kikʼaslemal ri winäq ojer.