Tabʼanaʼ ri achʼonik rkʼë Dios y kan tatjoj awiʼ. Taʼij che rä Jehová chë karutoʼ rchë nayaʼ awan chrij ri natzjoj, ke riʼ ma kan ta xtaxiʼij awiʼ. Tayaʼ pa ajolon achkë naʼoj nawajoʼ naʼij apü. Ma xa xuʼ ta taskʼij ri tzʼibʼatäl chwäch ri wuj, xa más ütz keʼaksaj ri atzij rït.

Kan pa awan ttel pä ri naʼij. Taquʼ rij achkë rma ri winäq nkʼatzin nkikʼoxaj ri nawajoʼ natzjoj chkë. Ke riʼ, ri rubʼanik yeʼasloj ri aqʼaʼ, ri awachbʼäl chqä ri rubʼanik yapaʼeʼ, xtkikʼüt chë kan pa awan ntel pa ri naʼij chqä chë ütz anaʼoj.

Tatzuʼ apü kiwäch ri achoq kikʼë najin yatzjon wä. We ri tinamït ri akuchï yït kʼo wä ma itzel ta nqʼalajin natzuʼ pa ruwäch jun winäq taq yatzjon rkʼë, ütz naʼän riʼ. Taq nayaʼ jun tzijonem, pa rukʼexel yeʼatzuʼ jontir winäq, xa chkijujnal keʼatzuʼ.