NA’OJ 3
Keʼabʼanaʼ kʼutunïk
Mateo 16:13-16
RI NTEL CHË TZIJ: Ütz naquʼ na ri kʼutunïk yeʼaksaj, rchë ke riʼ naʼän chë ri winäq kan nkirayij yatkikʼoxaj y ma nikʼo ta kikʼuʼx che rä ri natzjoj chkë, tabʼanaʼ chë yechʼobʼon chrij ri natzjoj chkë y keʼaqʼalajsaj ri naʼoj más kejqalen.
RI RUBʼANIK NASMAJIJ
-
Keʼatoʼ ri winäq rchë nkiyaʼ kixkïn chawä chqä rchë nkirayij nkitamaj más. Keʼabʼanaʼ kʼutunïk rchë yechʼobʼon ri yekʼoxan awchë, ntel chë tzij, kʼutunïk ri nuʼän chkë chë nkajoʼ nkitamaj más y nuʼän chkë chë nkiquʼ achkë ruqʼalajsaxik ri xakʼutuj chkë.
-
Tabʼanaʼ chë ri winäq yechʼobʼon chrij ri natzjoj chkë. Rchë yeʼatoʼ ri winäq rchë nqʼax chkiwäch jun naʼoj, ütz keʼabʼanaʼ kayoxiʼ kʼutunïk ri yerutoʼ rchë kan pa rubʼeyal nqʼax chkiwäch ri natzjoj.
-
Keʼaqʼalajsaj ri naʼoj más kejqalen. Rchë naʼij apü jun naʼoj ri kan kʼo rejqalen, naʼäy tabʼanaʼ jun kʼutunïk ri nuʼän chkë ri winäq chë nkajoʼ nkitamaj. Taq xatzjoj yän qa jun naʼoj ri kan kʼo rejqalen o taq xakʼïs ri atzijonem, keʼabʼanaʼ kʼutunïk rchë nanataj qa ri naʼoj ri kan kʼo kejqalen.
