¿Achkë ütz naʼän rchë kan kʼo xtatamaj qa taq xtakʼül atjonik chrij le Biblia?
Naʼäy, taskʼij ruwäch re peraj reʼ. Chrij riʼ tatzʼetaʼ ri VIDEO.
NAʼÄY PERAJ
Taq xtatjoj apü awiʼ pan ayonïl, taskʼij ruwäch ri naʼäy peraj rchë ri tjonïk. Ri kʼutunïk ri kʼo pä jun número chkixkïn (A) chqä ri textos ri ye kʼo pä pa qʼäq (B) nkikʼüt ri naʼoj ri kʼo más kejqalen. Tatzʼetaʼ chë chkixkïn pä jojun textos kʼo pä ri tzij «Taskʼij ruwäch» o «Tiskʼij ruwäch», reʼ ntel chë tzij chë kʼo chë nskʼïx kiwäch ri textos riʼ.
RUKAʼN PERAJ
Ri naʼäy peraj ri kʼo chpan ri peraj «Tqatamaj más chrij re naʼoj reʼ» nuqʼalajsaj ri xttzʼet chpan ri peraj riʼ (C). Ri ruqʼaʼ ri tjonïk ri kʼo pä jun número chkixkïn nkikʼüt achkë naʼoj kʼo más kejqalen (D). Taskʼij kiwäch ri textos, keʼaqʼalajsaj ri kʼutunïk y keʼatzʼetaʼ ri videos rkʼë ri najin nyaʼö atjonik.
VIDEOS. Chkipan re recuadros reʼ xtawïl videos chqä audios ri kikʼwan kiʼ rkʼë ri naʼoj najin ntzʼet. Jojun videos ye elesan chrij ri kiqʼaxan pä jojun winäq pa kikʼaslemal. Nkʼaj chik, tapeʼ ma ye elesan ta pä chrij riʼ, nkikʼüt chqawäch ri kan yebʼanatäj wä pa qakʼaslemal.
Tanukʼuj kij ri achbʼäl chqä ri tzij ri rukʼwan riʼ kikʼë (E), y tachʼobʼoʼ achkë ta komä xtaʼij rït chpan ri peraj «Jojun winäq nkiʼij reʼ» (F).
ROX PERAJ
Ri tjonïk yekʼis rkʼë ri peraj «Ri xqatamaj qa» y rkʼë ri peraj «Tqakamluj ri xqatzʼët qa» (G). Tatzʼibʼaj qa ri qʼij ri xakʼïs ri tjonïk. Chpan ri recuadro «Ütz naʼän reʼ» xtyaʼöx jojun naʼoj chawä ri xkaturtoʼ rchë xtasmajij ri xtatamaj (H). Chpan ri peraj «Rchë natamaj más» xtawïl nkʼaj chik naʼoj chqä videos ri xtkʼatzin chawä (I).
¿Achkë rubʼanik nawïl textos chpan le Biblia?
Le Biblia kʼo 66 libros chpan chqä jachon pa kaʼiʼ peraj: ri Escrituras Hebreoarameas chqä ri Escrituras Griegas Cristianas. Ye kʼo jojun winäq nkiʼij chqä Antiguo Testamento chqä Nuevo Testamento chkë.
Taq xtatzʼët jun texto bíblico chpan re libro reʼ, xtatzʼët chë naʼäy kʼo pä rubʼiʼ ri libro (A), chrij riʼ jun número ri nukʼüt ri capítulo (B) y pa rukʼisbʼäl jun o kʼïy números ri nkikʼüt ri versículo o ri versículos (C).
Jun tzʼetbʼäl, Juan 17:3 nrajoʼ nuʼij reʼ: «ri libro rchë Juan, capítulo 17, versículo 3».
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
