«Awkʼë rït [Dios] xtzʼuktäj wä pä ri kʼaslemal» (Salmo 36:9). ¿Nanmaj rït riʼ? Ye kʼo jojun winäq nkiʼij chë ri kʼaslemal chaq ke riʼ xtzʼuktäj pä, chë majun ta jun xbʼanö rchë. Xa ta ke riʼ xbʼanatäj, reʼ ntel chë tzij chë majun ta rma yoj kʼäs. Ye kʼa we yë Jehová xyaʼö qakʼaslemal, reʼ ntel chë tzij chë kʼo rma xqr-än, ¿tapeʼ? a Tatzʼetaʼ achkë nuʼij le Biblia chrij ri rubʼanik xchapatäj pä ri kʼaslemal y achkë rma ütz nqanmaj riʼ.

1. ¿Achkë xbʼanö ri kaj chqä le Ruwachʼulew?

Le Biblia nuʼij: «Pa naʼäy, Dios xuʼän ri kaj chqä le Ruwachʼulew» (Génesis 1:1). Ye kʼïy científicos nkinmaj chë jontir ri kʼo chkaj chqä chwäch le Ruwachʼulew kʼo jun rubʼanik xechapatäj pä. ¿Achkë rubʼanik xuʼän Dios jontir riʼ? Ryä xksaj ri loqʼoläj ruchqʼaʼ rchë xuʼän jontir ri kʼo: ri galaxias, ri chʼumilaʼ, ri planetas... (Génesis 1:2).

2. ¿Achkë rma Dios xuʼän le Ruwachʼulew?

Jehová «ma xuʼän ta le Ruwachʼulew rchë chë majun ta njeʼ chwäch, xa kan xuʼän rchë chë kʼo winäq yejeʼ chwäch» (Isaías 45:​18). Ryä kan jaʼäl xuʼän qa che rä le Ruwachʼulew chqä xyaʼ qa jontir ri nkʼatzin chkë ri winäq rchë ronojel mul ütz yejeʼ chwäch (taskʼij ruwäch Isaías 40:​28 y 42:5). Ri científicos nkiʼij chë le Ruwachʼulew ma junan ta kikʼë ri nkʼaj chik planetas, rma majun ta chik jun planeta ri ütz yekʼaseʼ winäq chwäch.

3. ¿Achkë nbʼanö chë ri winäq ma ye junan ta kikʼë ri chköp?

Taq xuʼän yän le Ruwachʼulew, Jehová xyaʼ pä kʼaslemal chwäch. Naʼäy, xeruʼän ri cheʼ, ri kotzʼiʼj chqä ri chköp. Chrij riʼ Dios xeruʼän ri winäq, kan achiʼel rubʼanik ryä kan ke riʼ xuʼän chkë (taskʼij ruwäch Génesis 1:​27). ¿Achkë nbʼanö chë ma yoj junan ta kikʼë ri chköp? Rma kan achiʼel rubʼanik Dios kan ke riʼ bʼanon qa chqë, röj nqkowin nqakʼüt rajowabʼäl chqä runaʼoj nuʼän kikʼë jontir. Chqä nqkowin nqatamaj nkʼaj chik chʼaʼäl, nqaloqʼoqʼej ri rubʼanon qa chqä kiʼ qakʼuʼx nqaʼän taq nqakʼoxaj bʼix. Y jun chik ri nbʼanö chë ma yoj junan ta kikʼë ri chköp, ya riʼ chë röj nqkowin nqayaʼ ruqʼij Dios.

 5. Ri nuʼij le Biblia chrij ri rubʼanik xbʼan che rä jontir ri kʼo

6. Röj ma junan ta qabʼanik rkʼë xa bʼa achkë chik jun ri rubʼanon qa Dios

Röj ma junan ta qabʼanik kikʼë ri chköp. Tiskʼij ruwäch Génesis 1:​26 y kixtzjon chrij reʼ:

• Röj nqjowan chqä nqapoqonaj kiwäch nkʼaj chik rma Dios kan achiʼel rubʼanik ryä kan ke riʼ xuʼän qa chqë. ¿Achkë nukʼüt riʼ chawäch chrij runaʼoj Jehová?

 RI XQATAMAJ QA

Jehová xuʼän jontir ri kʼo chkaj chqä chwäch le Ruwachʼulew.

Tqakamluj ri xqatzʼët qa

• ¿Achkë nukʼüt le Biblia chrij ri rubʼanik xbʼan ri kaj chqä le Ruwachʼulew?

• ¿Xksaj komä Dios ri evolución rchë xeruʼän ri jalajöj kiwäch kʼaslemal kʼo, o kan yë ryä xbʼanö kichë?

• ¿Achkë rma röj ma junan ta qabʼanik rkʼë xa bʼa achkë chik jun ri rubʼanon qa Dios?