We Dios kowan najowan y ri religiones nkiʼij chë jontir ri nkikʼüt chqä ri nkiʼän pa rubʼiʼ ryä nkiʼän wä, ¿achkë rma kan kʼïy itzelal kibʼanon pä? Rma jontir ri religiones riʼ ma pa rubʼeyal ta najin nkiyaʼ ruqʼij Dios. Kikʼë ri tzʼukün taq naʼoj nkikʼüt chqä ri nkiʼän, ryeʼ xa nkitzʼilbʼisaj rubʼiʼ Dios. ¿Achkë rubʼanik kibʼanon riʼ? ¿Achkë nunaʼ Dios taq nutzʼët jontir riʼ? ¿Y achkë xtuʼän rchë xtchʼajchʼobʼej rubʼiʼ?

1. Rkʼë ri nkikʼüt, ¿achkë rubʼanik kitzʼilbʼisan rubʼiʼ Dios ri religiones?

Ri religiones kijalon «ri naʼoj ye petenäq rkʼë Dios kikʼë tzʼukün taq naʼoj» (Romanos 1:25). Jun tzʼetbʼäl, kʼïy chkë ryeʼ ma nkikʼüt ta rubʼiʼ Dios chkiwäch ri winäq. Ye kʼa le Biblia nuʼij chë kʼo chë nqaksaj ri bʼiʼaj riʼ (Romanos 10:13, 14). Ye kʼo jojun ukʼwäy bʼey pa taq religiones nkiqʼabʼaj chrij Dios ri mamaʼ taq kʼayewal yebʼanatäj, ye kʼa riʼ xa tzʼukün tzij. Dios majun bʼëy xtuʼän ta jun ri ma ütz ta (taskʼij ruwäch Santiago 1:13). Ye kʼa, tzʼukün taq naʼoj achiʼel riʼ kibʼanon chë ri winäq kʼayewal nuʼän chkiwäch nkajoʼ Dios.

2. Rkʼë ri nkiʼän, ¿achkë rubʼanik kitzʼilbʼisan rubʼiʼ Dios ri religiones?

Jehová kan ütz runaʼoj nuʼän kikʼë ri winäq, ye kʼa ri religiones ma ke riʼ ta nkiʼän. Le Biblia nuʼij chë ri «kimak kan xemolotäj yän kʼa chkaj» (Apocalipsis 18:5). Ri religiones kan kʼïy chik junaʼ kinmon pä kiʼ pa política, ye bʼenäq pa taq chʼaʼoj chqä kikamsan o kiyaʼon qʼij chë yekamsäx ye kʼïy winäq. Ye kʼo jojun ukʼwäy bʼey pa taq religiones kan kʼïy kibʼeyomal kʼo y rchë ma nkʼis ta riʼ kikʼë nkikʼutuj päq chkë ri kiwinaq. Reʼ nukʼüt chë ryeʼ ma kitaman ta ruwäch Dios chqä chë ma taqäl ta chkij rchë yechʼö pa rubʼiʼ (taskʼij ruwäch 1 Juan 4:8).

3. ¿Achkë nunaʼ Dios taq nutzʼët jontir ri nkiʼän ri religiones riʼ?

We rït ma nqä ta chawäch ri nkiʼän ri religiones ri ma pa rubʼeyal ta nkiyaʼ ruqʼij Dios, ¡tachʼobʼoʼ na peʼ achkë komä nunaʼ Jehová! Ryä kowan yerajoʼ ri winäq, ye kʼa kan katajnäq ruyowal chkë ri ukʼwäy bʼey pa taq religiones ri nkitzʼilbʼisaj rubʼiʼ chqä kan itzel kinaʼoj nkiʼän kikʼë ri kiwinaq. Dios rubʼin chik chë jontir ri religiones ri ma pa rubʼeyal ta nkiyaʼ ruqʼij xtchup kiwäch chqä chë «majun bʼëy xkeqatzʼët ta chik» (Apocalipsis 18:21). Xa jbʼaʼ chik apü ryä xtchüp kiwäch jontir ri religiones riʼ (Apocalipsis 18:8).

 TQATAMAJ MÁS CHRIJ RE NAʼOJ REʼ

4. Dios ma jontir ta religiones yeqä chwäch

Ye kʼïy winäq nkiʼij chë jontir ri religiones yatkitoʼ rchë más junan nuʼän awäch rkʼë Dios. Ye kʼa, ¿kantzij komä riʼ? Tiskʼij ruwäch Mateo 7:13, 14 y kixtzjon chrij reʼ:

• Achiʼel xqatzʼët qa chpan le Biblia, ¿achkë rubʼanik ri bʼey ri yaturkʼwaj chpan ri kʼaslemal?

Titzʼetaʼ ri VIDEO y kixtzjon chrij reʼ:

• ¿Nukʼüt komä le Biblia chë jontir ri religiones yeqä chwäch Dios?

 6. Dios nrajoʼ yeresaj pä ri winäq chkipan ri religiones ri ma pa rubʼeyal ta nkiyaʼ ruqʼij

Tiskʼij ruwäch Apocalipsis 18:4 a y kixtzjon chrij reʼ:

• Dios nrajoʼ yerutoʼ ri winäq ri yeqʼolon kimä ri religiones ri ma pa rubʼeyal ta nkiyaʼ ruqʼij. ¿Achkë naʼij rït chrij riʼ?

7. Tatjaʼ aqʼij rchë natamaj más ruwäch Dios

¿Itzel komä xtatzʼët Dios xa rma jontir ri kibʼanon pä ri religiones? Kachʼobʼon chrij jun kʼajol ri ma nunmaj ta rutzij rutataʼ, ntel äl pa rachoch y nukʼwaj jun itzel kʼaslemal. Ri tataʼaj ma ütz ta nutzʼët ri nuʼän rukʼajol. ¿Ütz komä nqaʼij chë yë ri tataʼaj ajmak rma jontir ri ma ütz ta nuʼän rukʼajol chpan rukʼaslemal?

• ¿Ütz komä nqaqʼabʼaj chrij Dios jontir ri ma ütz ta nkiʼän ri religiones chqä chë xa rma riʼ ma nqajoʼ ta chik nqatamaj ruwäch?

 RI XQATAMAJ QA

Ri religiones ri ma pa rubʼeyal ta nkiyaʼ ruqʼij Dios kitzʼilbʼisan rubʼiʼ Dios rkʼë ri nkikʼüt chqä rkʼë ri ma ütz ta yekiʼän. Xa jbʼaʼ chik apü, ryä xtchüp kiwäch.

Tqakamluj ri xqatzʼët qa

• ¿Achkë naquʼ rït chrij ri kibʼanon chqä ri kikʼutun ri religiones ri ma pa rubʼeyal ta nkiyaʼ ruqʼij Dios?

• ¿Achkë nuquʼ Jehová chkij ri religiones riʼ?

• ¿Achkë xtuʼän Dios chkë ri religiones ri ma pa rubʼeyal ta nkiyaʼ ruqʼij?