Chpan ri jun qa tjonïk xqatzʼët chë ma jontir ta religiones yeqä chwäch Dios. Ye kʼa nqkowin nqaʼän chë Dios kiʼ rukʼuʼx nuʼän rkʼë ri rubʼanik nqayaʼ ruqʼij. ¿Achkë rubʼanik nrajoʼ Dios chë nqayaʼ ruqʼij? (Santiago 1:27). Tqatzʼetaʼ achkë nukʼüt le Biblia chrij riʼ.

1. ¿Akuchï nuʼij wä achkë rubʼanik kʼo chë nqayaʼ ruqʼij Dios?

Chpan le Biblia nuʼij achkë rubʼanik kʼo chë nqayaʼ ruqʼij Dios. Jesús xuʼij che rä Dios: «Ri achʼaʼäl rït ya riʼ ri kantzij» (Juan 17:17). Ye kʼo jojun religiones ma nkinukʼuj ta na ruwäch le Biblia rchë nkiyaʼ ruqʼij Dios, pa rukʼexel riʼ, xa kinaʼoj chqä xa ki-costumbres winäq nkismajij rchë nkiʼän riʼ. Ye kʼa Jehová kan ma nqä ta chwäch chë ri winäq nkiyaʼ qa rusamajxik rupixaʼ (taskʼij ruwäch Marcos 7:9). Ye kʼa kan kiʼ rukʼuʼx nuʼän taq röj nqatzʼët na chpan le Biblia achkë rubʼanik nqayaʼ ruqʼij chqä kan nqasmajij ri naʼoj ye kʼo chpan.

2. ¿Achkë rubʼanik kʼo chë nqayaʼ ruqʼij Jehová?

Rma Jehová xbʼanö qchë, xa xuʼ ryä taqäl chrij rchë nqayaʼ ruqʼij (Apocalipsis 4:11). Reʼ ntel chë tzij chë xa xuʼ ryä kʼo chë nqajoʼ chqä nqayaʼ ruqʼij, y ma yeqaksaj ta tyox rchë nqaʼän riʼ (taskʼij ruwäch Isaías 42:8).

Ri rubʼanik nqayaʼ ruqʼij Jehová kʼo chë kan chʼajchʼöj chqä chë kan nqä chwäch ryä (Romanos 12:1). Reʼ ntel chë tzij chë kʼo chë nqakʼwaj jun kʼaslemal ri nqä chwäch Dios. Jun tzʼetbʼäl, jontir ri nkajoʼ Jehová nkismajij ri pixaʼ ruyaʼon qa ryä chrij ri kʼlanen. Chqä ma yeskʼan ta, ma nkitäj ta drogas chqä ma nqʼax ta ruwiʼ yaʼ nkitäj. a

3. ¿Achkë rma kʼo chë nqayaʼ ruqʼij Jehová kikʼë winäq ri nkajoʼ nkinmaj rutzij?

Chkipan ri qamoloj ri nqaʼän ronojel semanas, röj nqayaʼ ruqʼij Jehová pa congregación (Salmo 111:1, 2). Jun rubʼanik nqaʼän riʼ ya riʼ taq nqbʼixan che rä (taskʼij ruwäch Salmo 104:33). Jehová nrajoʼ chë nqamöl qiʼ rma kowan nqrajoʼ y retaman chë ri qamoloj xkojkitoʼ rchë xtqïl ri kʼaslemal ri majun bʼëy xtkʼis ta. Taq röj nqamöl qiʼ nqakʼuqbʼalaʼ qakʼuʼx chqawäch.

 TQATAMAJ MÁS CHRIJ RE NAʼOJ REʼ

4. Ma ütz ta yeqaksaj tyox rchë nqayaʼ ruqʼij Dios

5. We xa xuʼ Jehová nqayaʼ ruqʼij, ma xtqqʼol ta chik kikʼë tzʼukün taq naʼoj

 6. Röj nqayaʼ ruqʼij Dios chkipan ri qamoloj

Röj nqayaʼ ruqʼij Jehová chqä nqakʼuqbʼaʼ kikʼuʼx ri nkʼaj chik taq nqbʼixan chqä taq nqayaʼ qa- comentarios pa qamoloj. Tiskʼij ruwäch Salmo 22:22 y kixtzjon chrij reʼ:

• ¿Yeqä chawäch ri comentarios yeyaʼöx pa qamoloj?

• ¿Nawajoʼ natjoj apü awiʼ chrij jun a-comentario rchë xtayaʼ pa qamoloj?

7. Jehová kan kowan nqä chwäch chë nqatzjoj chkë nkʼaj chik ri najin nqatamaj

Kʼo kʼïy rubʼanik nqkowin nqatzjoj chkë nkʼaj chik ri nukʼüt le Biblia. Tiskʼij ruwäch Salmo 9:1 chqä 34:1, y kixtzjon chrij reʼ:

• Rkʼë jontir ri xatamaj yän chpan le Biblia, ¿achkë nawajoʼ natzjoj chkë nkʼaj chik?

 RI XQATAMAJ QA

Nqaʼän chë Dios kiʼ rukʼuʼx nuʼän taq xa xuʼ ryä nqayaʼ ruqʼij, taq nqayaʼ ruqʼij pa qamoloj chqä taq nqatzjoj chkë nkʼaj chik ri najin nqatamaj.

Tqakamluj ri xqatzʼët qa

• ¿Akuchï nuʼij wä achkë rubʼanik nrajoʼ Dios chë nqayaʼ ruqʼij?

• ¿Achkë rma xa xuʼ Jehová kʼo chë nqayaʼ ruqʼij?

• ¿Achkë rma kʼo chë nqayaʼ ruqʼij Dios kikʼë winäq ri nkajoʼ nkinmaj rutzij?