TJONÏK 15
¿Achkë riʼ Jesús?
Jesús ya riʼ jun chkë ri más tamatäl ruwäch kimä ri winäq. Ye kʼa tapeʼ kan ye kʼïy winäq kitaman rubʼiʼ, xa ye jbʼaʼ ok kitaman ruwäch, y ye kʼo jojun jalajöj nkiquʼ chrij Jesús. ¿Achkë nukʼüt le Biblia chrij ryä?
1. ¿Achkë riʼ Jesús?
Jesús jun espíritu ri kowan ruchqʼaʼ ri kʼo chlaʼ chkaj. Le Biblia nuʼij chë yë Jesús «naʼäy xbʼan rma Jehová chwäch jontir ri kʼo» (Colosenses 1:15). Chqä nuʼij chë xa xuʼ Jesús ri kan yë Jehová xbʼanö rchë (Juan 3:16). Jesús xtoʼ Jehová, ri Rutataʼ, rchë xkiʼän jontir ri kʼo (taskʼij ruwäch Proverbios 8:30). Y che kaʼiʼ kan junan rubʼanon kiwäch. Jesús chqä nbʼix «ri Chʼaʼäl» che rä, rma kan yë ryä nqʼaxan rutzij Dios chkiwäch ri nkʼaj chik (Juan 1:14).
2. ¿Achkë rma xpë Jesús chwäch le Ruwachʼulew?
Jun 2,000 junaʼ qa, Jehová xksaj ri loqʼoläj ruchqʼaʼ rchë xuʼän jun milagro: xqʼaxaj pä rukʼaslemal Jesús chpan jun qʼopoj ri rubʼiniʼan María. Rma Jehová xuʼän riʼ, Jesús xaläx chwäch le Ruwachʼulew (taskʼij ruwäch Lucas 1:34, 35). Ryä xpë chwäch le Ruwachʼulew rchë xok ri Cristo, o ri Mesías, chqä rchë xeruköl ri winäq. a Jontir ri profecías ri yetzjon chrij ri Mesías kan xetzʼaqät chrij Jesús. Ya riʼ xtoʼö kichë ri winäq rchë xkitzʼët chë yë ryä «ri Cristo, ri Rukʼajol ri kʼaslïk Dios» (Mateo 16:16).
3. ¿Akuchï kʼo wä Jesús komä?
Taq Jesús xkäm, Dios xkʼasoj pä chkikojöl ri kamnaqiʼ, xok jun espíritu y xtzolin chlaʼ chkaj. Chriʼ «Dios xyaʼ más uchqʼaʼ pa ruqʼaʼ» (Filipenses 2:9). Komä, Jesús kʼo kowan uchqʼaʼ pa ruqʼaʼ, ye kʼa xa xuʼ Jehová kʼo más uchqʼaʼ pa ruqʼaʼ chwäch ryä.
TQATAMAJ MÁS CHRIJ RE NAʼOJ REʼ
Tqatzʼetaʼ nkʼaj chik naʼoj ri nkikʼüt chqawäch achkë riʼ Jesús y achkë rma kan kowan ruqʼij nqatamaj ruwäch.
4. Jesús ma ya riʼ ta ri Dios ri kʼo ronojel uchqʼaʼ pa ruqʼaʼ
Tapeʼ Jesús jun espíritu ri kʼo uchqʼaʼ pa ruqʼaʼ chlaʼ chkaj, le Biblia nuʼij chë ryä kan nunmaj rutzij Jehová, ri ya riʼ ru-Dios chqä Rutataʼ. ¿Achkë rma nqaʼij riʼ? Titzʼetaʼ ri VIDEO rchë nitamaj achkë rma le Biblia nuʼij chë Jesús ma junan ta rkʼë ri Dios ri kʼo ronojel ruchqʼaʼ pa ruqʼaʼ.
Ri textos ri xtqatzʼët xkojkitoʼ rchë xtqʼax chqawäch achkë rma nqaʼij chë Jesús ma ya riʼ ta Jehová. Tiskʼij kiwäch ri textos y kixtzjon chrij reʼ:
Tiskʼij ruwäch Lucas 1:30-32.
-
Rkʼë ri xuʼij ri ángel, ¿achkë rma nqaʼij chë Jesús ma ya riʼ ta Jehová, ri «Nimaläj Ruqʼij»?
Tiskʼij ruwäch Mateo 3:16, 17.
-
Taq Jesús xqasäx pa yaʼ xkʼaxatäj jun chʼaʼäl chlaʼ chkaj, ¿achkë xuʼij ri chʼaʼäl riʼ?
-
¿Achoq ruchʼaʼäl riʼ naʼij rït?
Tiskʼij ruwäch Juan 14:28.
-
¿Achkë riʼ ri más nüm chqä ri kʼo más uchqʼaʼ pa ruqʼaʼ: jun tataʼaj, o rukʼajol?
-
¿Achkë xrajoʼ xuʼij Jesús taq xuʼij «Ntataʼ» che rä Jehová?
Tiskʼij ruwäch Juan 12:49.
-
¿Xuʼij komä Jesús chë ryä chqä Rutataʼ xa ye junan? ¿Y achkë naʼij rït?
5. Jesús ya riʼ xok ri Mesías
Chpan le Biblia kʼo kʼïy profecías ri xekitoʼ ri winäq rchë xqʼalajin chkiwäch achkë riʼ ri xbʼeʼok ri Mesías, ntel chë tzij, ri winäq ri xchaʼöx rma Dios rchë yeruköl jontir winäq. Titzʼetaʼ ri VIDEO rchë nitzʼët jojun chkë ri profecías ri xetzʼaqät chrij Jesús taq xjeʼ chwäch le Ruwachʼulew.
Tiskʼij re profecías reʼ y kixtzjon chrij reʼ:
Tiskʼij ruwäch Miqueas 5:2 rchë nitamaj akuchï bʼin wä chë xtaläx ri Mesías. b
-
¿Xtzʼaqät komä re profecía reʼ taq xaläx Jesús? (Mateo 2:1).
Tiskʼij ruwäch Salmo 34:20 chqä Zacarías 12:10 rchë nitzʼët achkë xuʼij le Biblia chrij rukamik ri Mesías.
-
¿Xetzʼaqät komä re profecías reʼ? (Juan 19:33-37).
-
¿Naʼij rït chë kan yë Jesús xkanun rubʼanik rchë xetzʼaqät re profecías reʼ chrij?
-
Y rït, ¿achkë nukʼüt qa jontir reʼ chawäch chrij Jesús?
6. Ri nqatamaj ruwäch Jesús kʼo utzil nukʼäm pä pa qawiʼ
Le Biblia nuʼij chë kan kʼo ruqʼij nqatamaj ruwäch Jesús chqä nqatamaj achkë samaj ruyaʼon qa Dios pa ruqʼaʼ. Tiskʼij ruwäch Juan 14:6 chqä 17:3, y kixtzjon chrij reʼ:
-
¿Achkë rma kan nkʼatzin nqatamaj ruwäch Jesús?
Jesús xkʼüt ri bʼey chqawäch rchë nq-ok rachiʼil Dios chqä xkʼüt ri kantzij chrij Jehová. Y, rma Jesús, röj nqkowin nqïl ri kʼaslemal ri majun bʼëy xtkʼis ta.
JOJUN WINÄQ NKIʼIJ REʼ: «Ri testigos de Jehová ma nkinmaj ta chrij Jesús».
-
¿Achkë naʼij rït?
RI XQATAMAJ QA
Jesús jun espíritu ri kowan ruchqʼaʼ, yë ryä Rukʼajol Dios chqä ri Mesías.
Tqakamluj ri xqatzʼët qa
-
¿Achkë naʼäy xuʼän Jehová taq majanä keruʼän jontir ri kʼo?
-
¿Achkë wä rusamaj Jesús taq majanä wä tpë chwäch le Ruwachʼulew?
-
¿Achkë rma qataman chë Jesús ya riʼ ri Mesías?
RCHË NATAMAJ MÁS
Tatamaj nkʼaj chik naʼoj ri nkikʼüt chë Jesús ya riʼ ri Mesías.
Tatzʼetaʼ chpan le Biblia achkë rubʼanik Dios xbʼeʼok rutataʼ Jesús.
«¿Achkë rma Jesús nbʼix Rukʼajol Dios che rä?» (Reʼ xtawïl pa jw.org)
Tatamaj achkë rma ri trinidad ma chpan ta le Biblia alenäq wä pä.
Tatzʼetaʼ achkë rubʼanik xjalatäj rukʼaslemal jun ixöq taq xtamaj achkë nuʼij le Biblia chrij Jesús.
«Jun judía nuqʼalajsaj achkë rma xjäl ri runman wä qa» (¡Despertad!, mayo 2013)
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
