TJONÏK 17
¿Achkë runaʼoj Jesús?
Taq nqatamaj achkë xuʼän chqä achkë xuʼij Jesús taq xjeʼ chwäch le Ruwachʼulew, nqʼalajin chqawäch achkë runaʼoj ryä. Riʼ nuʼän chë nqajoʼ nq-ok rachiʼil ryä chqä rachiʼil Jehová, ri Rutataʼ. ¿Achkë jojun chkë ri jaʼäl taq naʼoj ye kʼo rkʼë Jesús? ¿Y achkë ütz nqaʼän rchë nqakʼän qanaʼoj chrij?
1. ¿Achkë nbʼanö chë Jesús kan junan rkʼë Rutataʼ?
Jesús kan kʼïy chik retaman chrij Rutataʼ rma kan pa millón chik junaʼ kʼo rkʼë chlaʼ chkaj. Rma riʼ jontir ri nuquʼ, ri nunaʼ chqä ri nuʼän, nkikʼüt chë kan chrij Rutataʼ rukʼamon wä runaʼoj (taskʼij ruwäch Juan 5:19). Rma Jesús kan junan runaʼoj rkʼë Rutataʼ ryä xuʼij: «Ri yirutzʼeton rïn rutzʼeton ri Ntataʼ chqä» (Juan 14:9). Rma riʼ we rït xtatamaj más ruwäch Jesús, xtatamaj más ruwäch Jehová chqä. Jun tzʼetbʼäl, taq nqatzʼët achkë rubʼanik Jesús xjyowaj (xpoqonaj) kiwäch ri winäq, nqʼalajin chqawäch achkë nunaʼ Jehová chawij rït.
2. ¿Achkë rubʼanik xkʼüt Jesús chë kowan nrajoʼ Rutataʼ?
Jesús xuʼij: «Rchë chë ri winäq nkitamaj chë kowan nwajoʼ Ntataʼ, nbʼän jontir ri ruchlaʼen pä Ntataʼ chwä» (Juan 14:31). Taq Jesús xjeʼ chwäch le Ruwachʼulew, xkʼüt chë kowan nrajoʼ Rutataʼ rma kan xnmaj rutzij, yajün taq najin wä yeruqʼaxaj kʼayewal. Chqä kan xqä chwäch xtzjoj runaʼoj Rutataʼ chkë ri winäq y kan xerutoʼ rchë xeʼok rachiʼil Dios (Juan 14:23).
3. ¿Achkë rubʼanik rukʼutun pä Jesús chë kowan yerajoʼ ri winäq?
Le Biblia nuʼij chë Jesús kowan yerajoʼ ri winäq (Proverbios 8:31). Xqʼalajin riʼ rma kan ma xkʼewaj ta xerutoʼ ri winäq chqä kan xkʼuqbʼaʼ kikʼuʼx. Rkʼë ri milagros xeruʼän xqʼalajin chë kʼo ruchqʼaʼ chqä chë kan nujyowaj (nupoqonaj) kiwäch ri winäq (Marcos 1:40-42). Ryä kan jaʼäl runaʼoj xuʼän chqä ma xeruchaʼ ta ri winäq. Jontir ri xuʼij kan xkʼuqbʼaʼ kikʼuʼx ri kan xkiyaʼ kixkïn che rä. Chqä, kan ma xpoqonaj ta xyaʼ riʼ pa kamïk rma kowan yerajoʼ ri winäq. Ye kʼa más na chik yerajoʼ ri kan nkismajij ri xkʼüt qa ryä (taskʼij ruwäch Juan 15:13, 14).
TQATAMAJ MÁS CHRIJ RE NAʼOJ REʼ
Tqatamaj más chrij runaʼoj Jesús y tqatzʼetaʼ achkë ütz nqaʼän rchë nqjowan chqä nqspan achiʼel xuʼän ryä.
4. Jesús kowan nrajoʼ Rutataʼ
Jesús xkʼüt chqawäch achkë rubʼanik nqakʼüt chwäch Dios chë nqajoʼ. Tiskʼij ruwäch Lucas 6:12 chqä Juan 15:10 y 17:26. Taq nikʼïs ruskʼixik jun texto, kixtzjon chrij reʼ:
-
Rkʼë ri xuʼän Jesús, ¿achkë rubʼanik nqakʼüt röj chwäch Jehová chë nqajoʼ?
Jesús kan kowan wä xrajoʼ Rutataʼ chqä chaq taqïl xchʼö rkʼë.
5. Jesús nuquʼ kij ri nkʼatzin kitoʼik
Jesús xyaʼ más ran chrij ri xkʼatzin chkë ri nkʼaj chik chwäch ri xkʼatzin che rä ryä. Yajün taq kowan wä kosnäq, ryä xksaj ru-tiempo chqä ruchqʼaʼ rchë xerutoʼ ri nkʼaj chik. Tiskʼij ruwäch Marcos 6:30-44 y kixtzjon chrij reʼ:
-
Rkʼë ri xqaskʼij qa, ¿achkë rubʼanik xkʼüt Jesús chë xquʼ kij ri nkʼaj chik? (Titzʼetaʼ ri versículos 31, 34, 41 chqä 42).
-
¿Achkë rma Jesús xerutoʼ ri winäq riʼ? (Titzʼetaʼ ri versículo 34).
-
Rma Jesús kan xqʼalajin runaʼoj Rutataʼ chrij, ¿achkë nukʼüt ronojel reʼ chawäch rït chrij Jehová?
-
Achiʼel xuʼän Jesús, ¿achkë rubʼanik nqakʼüt röj chë nqaquʼ kij ri nkʼaj chik?
6. Jesús kan nqä chwäch nspan
Tapeʼ Jesús ma kan ta achkë jun xjeʼ rkʼë, ryä kowan xspan y nrajoʼ chqä chë röj ke riʼ nqaʼän. Tiskʼij ruwäch Hechos 20:35 y kixtzjon chrij reʼ:
-
Achiʼel xuʼij qa Jesús, ¿achkë nbʼanö chqë chë kan kiʼ qakʼuʼx nqaʼän?
Titzʼetaʼ ri VIDEO y kixtzjon chrij reʼ:
-
¿Achkë nkʼaj chik rubʼanik nqkowin nqspan tapeʼ ma kan ta achkë jun kʼo qkʼë?
¿Ataman rït reʼ?
Le Biblia nukʼüt chë kʼo chë nqchʼö rkʼë Jehová pa rubʼiʼ Jesús (tiskʼij ruwäch Juan 16:23, 24). Ke riʼ xtqakʼüt chë nqaloqʼoqʼej ri xuʼän Jesús rchë nqkowin nq-ok rachiʼil Jehová.
JOJUN WINÄQ NKIʼIJ REʼ: «Dios nuyaʼ pä kʼayewal pa qawiʼ rchë nutzʼët we majun bʼëy xtqayaʼ ta qa ryä».
-
Rma runaʼoj Jehová kan xqʼalajin chrij Jesús, ¿achkë rubʼanik xkʼüt ri xuʼän Jesús chë Jehová ma nuyaʼ ta pä kʼayewal pa qawiʼ?
RI XQATAMAJ QA
Jesús kowan nrajoʼ Jehová chqä kowan yerajoʼ ri winäq. Rma ryä kan junan runaʼoj rkʼë Rutataʼ, taq más xtatamaj ruwäch Jesús, más xtatamaj ruwäch Jehová chqä.
Tqakamluj ri xqatzʼët qa
-
Rkʼë ri xqatzʼët qa chrij Jesús, ¿achkë rubʼanik nqakʼüt chë nqajoʼ Jehová?
-
Rkʼë ri xqatzʼët qa chrij Jesús, ¿achkë rubʼanik nqakʼüt chë yeqajoʼ ri winäq?
-
¿Achkë más nqä chawäch rït chrij runaʼoj Jesús?
RCHË NATAMAJ MÁS
Tatzʼetaʼ jojun chkë ri utziläj taq naʼoj ye kʼo rkʼë Jesús ri nqkowin nqasmajij pa qakʼaslemal.
«Tqakʼamaʼ qanaʼoj chrij Jesús» (Jesús: ri bʼey, ri kantzij chqä ri kʼaslemal, ruxaq 317)
Tatzʼetaʼ achkë rma kan kowan ruqʼij nqchʼö rkʼë Dios pa rubʼiʼ Jesús.
«¿Achkë rma kʼo chë nqchʼö rkʼë Dios pa rubʼiʼ Jesús?» (Ri Chajinel, 1 de febrero, 2008)
¿Nuʼij komä le Biblia achkë wä rubʼanik Jesús?
¿Achkë nqatamaj qa chrij runaʼoj xuʼän Jesús kikʼë ri ixoqiʼ?
«Dios kan yeruloqʼoqʼej chqä nuyaʼ kiqʼij ri ixoqiʼ» (Ri Chajinel, 1 de septiembre, 2012)
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
