Jontir röj nqajoʼ yejeʼ qachiʼil ri ma nkitzʼük ta tzij, y Jehová chqä ma nrajoʼ ta chë ri rachiʼil nkikʼüt ri naʼoj riʼ. Ye kʼa kan kʼayewal nuʼän chqawäch ma nqatzʼük ta tzij rma yoj kʼo chkikojöl winäq ri xa xuʼ nkitzʼük tzij chkiwäch ri nkʼaj chik. ¿Kʼo komä utzil nqïl we ma nqatzʼük ta tzij rkʼë xa bʼa achkë nqaʼän? ¿Achkë utzil riʼ?

1. ¿Achkë rma kan kowan ruqʼij ma nqatzʼük ta tzij?

Taq ma nqatzʼük ta tzij chkiwäch ri nkʼaj chik, nqakʼüt chwäch Jehová chë nqajoʼ chqä chë nqanmaj rutzij. Ma tmestäj ta chawä chë Jehová retaman achkë nqaquʼ chqä achkë nqaʼän (Hebreos 4:13). Ryä nutzʼët taq röj nqayaʼ chqawäch ma nqatzʼük ta tzij chqä kan nuloqʼoqʼej ri nqaʼän riʼ. Chpan Ruchʼaʼäl nuʼij: «Jehová kan itzel yerutzʼët ri itzel taq winäq, ye kʼa kan junan nuʼän ruwäch kikʼë ri nkikʼwaj jun jïk kʼaslemal» (Proverbios 3:32).

2. ¿Ajän riʼ taq kʼo chë ma nqatzʼük ta tzij?

Jehová nrajoʼ chë kantzij nqtzjon kikʼë ri nkʼaj chik (Zacarías 8:16, 17). ¿Achkë ntel chë tzij riʼ? Ntel chë tzij chë ma xtqatzʼük ta tzij chkiwäch ri qa-familia, ri qachiʼil pa qasamaj, ri qachʼalal pa congregación chqä ri yesamäj pa qʼatbʼäl tzij. Ri winäq ri ma nkiʼän ta riʼ ma yeleqʼan ta chqä nixta yekiqʼöl ri nkʼaj chik (taskʼij ruwäch Proverbios 24:28 chqä Efesios 4:28). Chqä nkitöj ki-impuestos (Romanos 13:5-7). Rkʼë jontir reʼ chqä xa bʼa achkë chik jun ri nqaʼän pa qakʼaslemal, «ma nqajoʼ ta nqatzʼük tzij» (Hebreos 13:18).

3. ¿Achkë utzil nqïl we ma nqatzʼük ta tzij?

Taq ri nkʼaj chik kitaman chë ma nqatzʼük ta tzij, ryeʼ kan nkikʼuqbʼaʼ kikʼuʼx chqij. Chqä nqtoʼon rchë jontir pa congregación nqakʼuqbʼaʼ qakʼuʼx chqij, kan achiʼel ta yoj kʼo chpan jun familia. Chqä nqrtoʼ rchë njeʼ jun chʼajchʼöj qa-conciencia. Taq ma nqatzʼük ta tzij nqtoʼon rchë «kan jaʼäl nqʼalajin ri tjonïk ri nuyaʼ Dios, ri nkolö qchë». Y, rkʼë jbʼaʼ ya riʼ xtbʼanö chë ri nkʼaj chik xtkajoʼ chqä xtkiyaʼ ruqʼij Jehová (Tito 2:10).

 TQATAMAJ MÁS CHRIJ RE NAʼOJ REʼ

5. Majun bʼëy tqatzʼük ta tzij

 6. Kan kʼo utzil nqïl taq ma nqatzʼük ta tzij

Rkʼë jbʼaʼ kʼo kʼayewal nqïl taq ma nqatzʼük ta tzij, ye kʼa kan kʼo chqä utzil nqïl. Tiskʼij ruwäch Salmo 34:12-16 y kixtzjon chrij reʼ:

• ¿Achkë rubʼanik nqrtoʼ pa qakʼaslemal ri ma nqatzʼük ta tzij?

1. Taq ri kʼlan taq winäq ma nkitzʼük ta tzij chkiwäch, más ütz xtkikʼwaj kiʼ pa kikʼlajil.

2. Taq ri winäq ma nkitzʼük ta tzij pa kisamaj, ri ki-patrón kan nkikʼuqbʼaʼ kikʼuʼx chkij.

3. Taq ri winäq ma nkitzʼük ta tzij, kan ütz xketzʼet kimä ri yesamäj pa qʼatbʼäl tzij.

 RI XQATAMAJ QA

Jehová ma nrajoʼ ta chë ri rachiʼil nkitzʼük tzij rkʼë xa bʼa achkë ri nkiʼän.

Tqakamluj ri xqatzʼët qa

• ¿Ajän riʼ taq kʼo chë ma nqatzʼük ta tzij?

• ¿Achkë rma ma ütz ta nqaquʼ chë kʼo jun nqkowin nqewaj chwäch Jehová?

• ¿Achkë rma rït ronojel mul kantzij nawajoʼ yatzjon?