TJONÏK 37
Ri nuʼij le Biblia chrij ri samaj chqä ri päq
¿Kʼo komä jmul kowan xchʼpü akʼuʼx (xamayon) rma majun ta asamaj o arajil? Rkʼë jbʼaʼ nqanaʼ chë kan kʼayewal nuʼän chqawäch nqachʼäk rajäl qaway y nqayaʼ chqä ruqʼij Jehová. Ye kʼa le Biblia nuyaʼ qanaʼoj rchë nqkowin nqaʼän riʼ.
1. ¿Achkë nuʼij le Biblia chrij ri samaj?
Dios nrajoʼ chë kiʼ qakʼuʼx nqaʼän pa qasamaj. Chpan le Biblia nuʼij chë «majun ta chik jun ri más ütz nbʼanatäj pa rukʼaslemal jun achï chwäch ri [...] kiʼ rukʼuʼx nuʼän rkʼë ri nukʼül rma rusamaj» (Eclesiastés 2:24). Jehová kan nqä chwäch nsamäj. Taq röj nqakʼän qanaʼoj chrij chqä nq-ok samajel taq winäq, najin nqaʼän ri nqä chwäch ryä chqä kan kiʼ qakʼuʼx nqaʼän.
Ri samaj kan kowan nkʼatzin, ye kʼa majun bʼëy tqayaʼ ta qʼij chë ya riʼ njeʼ más ruqʼij chwäch ri nqayaʼ ruqʼij Jehová (Juan 6:27). Jehová nuʼij chë xtyaʼ ri nkʼatzin chqë we nqayaʼ ryä naʼäy pa qakʼaslemal.
2. ¿Achkë rubʼanik kʼo chë nqatzʼët ri päq?
Tapeʼ le Biblia nuʼij chë ri päq kan nqrtoʼ, chqä nuʼij chë ma ya riʼ ta nbʼanö chë kiʼ qakʼuʼx nqaʼän (Eclesiastés 7:12). Rma riʼ le Biblia nuʼij chë ma tbʼä ta qan chrij ri päq chqä nuyaʼ re naʼoj reʼ chqë: «Kiʼ ikʼuʼx tibʼanaʼ rkʼë ri kʼo iwkʼë» (taskʼij ruwäch Hebreos 13:5). We röj kan kiʼ qakʼuʼx rkʼë ri kʼo qkʼë, ma itzel ta xtnaʼ qan rma majun ta más qarajil y ma xtqaʼän ta kʼas ri ma xtkʼatzin ta chqë (Proverbios 22:7). Chqä, ma xtqetzʼan ta rma päq nixta xtqakanuj rubʼanik rchë chanin xtqïl qabʼeyomal.
3. ¿Achkë rubʼanik kan ütz ruksaxik xtqaʼän che rä qarajil?
Jehová ya riʼ jun Dios ri nqä chwäch nspan, y nqakʼän qanaʼoj chrij taq nqspan chqä taq ma nqakʼekʼej ta nqayaʼ ri kʼo qkʼë (1 Timoteo 6:18). Jun rubʼanik kan ütz ruksaxik xtqaʼän che rä qarajil, ya riʼ taq nqtoʼon rkʼë ri nkʼatzin pa congregación chqä taq yeqatoʼ ri nkʼatzin kitoʼik, y más taq yeqatoʼ ri qachʼalal. Ri kʼo más ruqʼij chwäch Jehová ma ya riʼ ta ri jaruʼ nqayaʼ, xa kan yë ri achkë rma nqaʼän riʼ. We kan rkʼë ronojel qan nqspan, kan kiʼ qakʼuʼx xtqanaʼ chqä xtqaʼän chë Jehová kiʼ rukʼuʼx nuʼän (taskʼij ruwäch Hechos 20:35).
TQATAMAJ MÁS CHRIJ RE NAʼOJ REʼ
Tqatzʼetaʼ achkë utzil xtqïl we kan pa rubʼeyal xtqatzʼët ri samaj chqä we kiʼ qakʼuʼx rkʼë ri kʼo qkʼë.
4. Tayaʼ ruqʼij Jehová rkʼë ri rubʼanik yasamäj
Ri qataman ruwäch Jehová nqrtoʼ rchë kan pa rubʼeyal xtqatzʼët ri samaj. Titzʼetaʼ ri VIDEO y kixtzjon chrij reʼ:
-
¿Achkë más xqä chawäch chrij runaʼoj xuʼän Jason pa rusamaj?
-
¿Achkë xuʼän ryä rchë kan pa rubʼeyal xtzʼët rusamaj?
Tiskʼij ruwäch Colosenses 3:23, 24 y kixtzjon chrij reʼ:
-
¿Achkë rma nkʼatzin chë kan rkʼë ronojel qan nqsamäj wä?
Ri samaj kan kowan nkʼatzin, ye kʼa majun bʼëy tqayaʼ ta qʼij chë ya riʼ njeʼ más ruqʼij chwäch ri nqayaʼ ruqʼij Jehová.
5. Ri utzil nqïl rma kan kiʼ qakʼuʼx rkʼë ri kʼo qkʼë
Ye kʼïy winäq kan nkitäj kiqʼij rchë njeʼ kʼïy kirajil, ye kʼa le Biblia ma ya riʼ ta qanaʼoj nuyaʼ. Tiskʼij ruwäch 1 Timoteo 6:6-8 y kixtzjon chrij reʼ:
-
¿Achkë qanaʼoj nuyaʼ le Biblia?
Kiʼ qakʼuʼx nqkowin nqaʼän tapeʼ ma kan ta achkë kʼo qkʼë. Titzʼetaʼ ri VIDEO y kixtzjon chrij reʼ:
-
¿Achkë rma kan kiʼ kikʼuʼx re familias reʼ tapeʼ ma kan ta kʼo kirajil?
¿Y, achkë nbʼanatäj we kʼo qarajil ye kʼa nqajoʼ njeʼ más qkʼë? Jesús xksaj jun tzʼetbʼäl rchë xkʼüt chë ri naʼoj riʼ ma ütz ta. Tiskʼij ruwäch Lucas 12:15-21 y kixtzjon chrij reʼ:
-
¿Achkë natamaj qa rït chrij ri tzʼetbʼäl xksaj Jesús? (Titzʼetaʼ ri versículo 15).
Tiskʼij ruwäch Proverbios 10:22 y tijnamaj rkʼë 1 Timoteo 6:10. Chrij riʼ kixtzjon chrij reʼ:
-
¿Achkë naʼij rït chë kʼo más ruqʼij: nq-ok rachiʼil Jehová o njeʼ kʼïy qarajil? ¿Achkë rma?
-
¿Achkë xtbʼanatäj qkʼë we xa xtbʼä qan chrij ri päq?
6. Jehová xtyaʼ pä ri nkʼatzin chqë
Ri kʼayewal nqaqʼaxaj rma majun ta qasamaj o rma ma kan ta kʼo qarajil nqrtoʼ rchë nqatzʼët jaruʼ qakʼuqbʼan qakʼuʼx chrij Jehová. Titzʼetaʼ ri VIDEO rchë nitzʼët achkë rubʼanik nqqʼax chkiwäch ri kʼayewal riʼ. Chrij riʼ kixtzjon chrij reʼ:
-
¿Achkë kʼayewal xrïl ri qachʼalal ri xel pa video?
-
¿Achkë kʼo chë xuʼän rchë xqʼax chkiwäch ri kʼayewal riʼ?
Tiskʼij ruwäch Mateo 6:25-34 y kixtzjon chrij reʼ:
-
¿Achkë nutzüj Jehová chkë ri nkiyaʼ ryä naʼäy pa kikʼaslemal?
JOJUN WINÄQ NKIʼIJ REʼ: «Rïn kʼo chë yisamäj kowan rchë ntzüq n-familia. Ma yikowin ta yibʼä chkipan jontir qamoloj».
-
¿Achkë texto yaturtoʼ rït rchë natzʼët chë ri más ütz ya riʼ nayaʼ Jehová naʼäy pan akʼaslemal?
RI XQATAMAJ QA
Ri samaj chqä ri päq kan kowan yekʼatzin chqë, ye kʼa majun bʼëy tqayaʼ qʼij chë ya riʼ nbʼanö chqë chë nqayaʼ qa ruyaʼik ruqʼij Jehová.
Tqakamluj ri xqatzʼët qa
-
¿Achkë xkaturtoʼ rït rchë kan pa rubʼeyal xtatzʼët ri samaj?
-
¿Achkë utzil xtawïl we kan kiʼ akʼuʼx xtaʼän rkʼë ri kʼo awkʼë?
-
We Jehová nuʼij chë xtyaʼ jontir ri nkʼatzin chkë rusamajelaʼ, ¿achkë rubʼanik nakʼüt rït chë akʼuqbʼan akʼuʼx chrij ryä?
RCHË NATAMAJ MÁS
Tatzʼetaʼ achkë nuʼij le Biblia chrij ri päq.
«¿Rumak komä ri päq jontir ri ma ütz ta nqaqʼaxaj pa qakʼaslemal?» (Reʼ xtawïl pa jw.org)
Tatzʼetaʼ achkë rubʼanik nrajoʼ Jehová chë nqspan, rchë ke riʼ ryä kan kiʼ rukʼuʼx xtuʼän qkʼë.
«¿Achkë nuʼij le Biblia chrij ri nqayaʼ ri kʼo qkʼë?» (Reʼ xtawïl pa jw.org)
¿Xajan komä ri nqetzʼan rma päq?
«Ri nuʼij le Biblia: Ri yatetzʼan rma päq» (¡Despertad!, marzo 2015)
Tatzʼetaʼ achkë xjalö rukʼaslemal jun achï ri xok aleqʼon ojer chqä netzʼan wä rma päq.
«Kan nqä wä chi nwäch ri carreras chkij kej» (Ri Chajinel, 1 de noviembre, 2011)
Rkʼë jbʼaʼ nawajoʼ natzʼët chqä reʼ
RI KʼUTUNÏK RI NBʼAN CHKIJ RI TESTIGOS DE JEHOVÁ
¿Achkë rubʼanik yekitjoj ri winäq chrij le Biblia ri testigos de Jehová?
Rkʼë ri tjonïk nkiyaʼ ri testigos de Jehová, rït ütz naksaj xa bʼa achkë Biblia nawajoʼ. Chqä ütz naʼän invitar jontir a-familia o xa bʼa achkë awachiʼil.
