Chpan qakʼaslemal kʼo kʼïy nbʼanö chqë chë kiʼ qakʼuʼx nqaʼän tapeʼ kʼo mul kʼo kʼayewal yeqaqʼaxaj. ¿Achkë rubʼanik nqakʼüt chwäch Jehová chë nqatyoxij ri qakʼaslemal? ¿Y achkë rma röj nqaʼän riʼ?

1. ¿Achkë rma kʼo chë nqaloqʼoqʼej qakʼaslemal?

Rma ya riʼ jun spanïk ri ruyaʼon pä Jehová chqë, ri utziläj Qatataʼ. Rkʼë Jehová «ntzʼuktäj wä pä ri kʼaslemal». Nbʼix riʼ rma kan yë ryä xbʼanö ri jalajöj kiwäch kʼaslemal ye kʼo (Salmo 36:9). «Kan yë ryä ri nyaʼö kikʼaslemal jontir winäq, nuyaʼ ruxlaʼ yaʼ chqä jontir ri nkʼatzin chkë» (Hechos 17:25, 28). Nqatzʼët kʼa chë kan yë Jehová nyaʼö jontir ri nkʼatzin chqë rchë nqkʼaseʼ. Y ma xa xuʼ ta riʼ, ryä nuʼän chë kiʼ qakʼuʼx nqaʼän pa qakʼaslemal (taskʼij ruwäch Hechos 14:17).

2. ¿Achkë rubʼanik nqakʼüt chwäch Jehová chë nqatyoxij ri qakʼaslemal?

Jehová xyaʼ ruwäch chawij rït taq ri ateʼ xkanaj qa pa yabʼil chawij. Rkʼë rutoʼik ri loqʼoläj ruchqʼaʼ Dios, David, jun rusamajel Dios, xuʼij reʼ che rä taq xchʼö rkʼë: «Ri runaqʼ awäch xinkitzʼët taq majanä wä kinaläx» (Salmo 139:16). Ri akʼaslemal rït kan kowan ruqʼij chwäch Jehová (taskʼij ruwäch Mateo 10:29-31). Ryä kan xttiʼon ran we xttzʼët chë jun winäq xtkamsaj jun chik o xtkamsaj qa riʼ ryä (Éxodo 20:13). a Chqä kan xttiʼon ran we xttzʼët chë röj ma xtqachajij ta qakʼaslemal, o ma xtqaquʼ ta rij kikʼaslemal ri nkʼaj chik. Taq röj nqachajij qiʼ chqä nqaloqʼoqʼej kikʼaslemal ri nkʼaj chik, nqakʼüt chë nqaloqʼoqʼej ri kʼaslemal.

 TQATAMAJ MÁS CHRIJ RE NAʼOJ REʼ

3. Tachajij awiʼ rchë ma kan ta más yayawäj

Ri cristianos ri kibʼin che rä Jehová chë nkiʼän ri ruraybʼal, nkiksaj kikʼaslemal kan achiʼel nqä chwäch ryä. Chqä kibʼin che rä Dios chë xtkiksaj kichʼakul rchë nkiyaʼ ruqʼij kan achiʼel ta jun spanïk ri nkiʼän che rä. Rma riʼ ryeʼ kʼo chë nkichajij kiʼ. Tiskʼij ruwäch Romanos 12:1, 2 y kixtzjon chrij reʼ:

• ¿Achkë rma nkʼatzin nachajij awiʼ rchë ma kan ta más yayawäj?

• ¿Achkë rubʼanik naʼän riʼ?

 5. Taloqʼoqʼej rukʼaslemal jun ti neʼy ri majanä naläx

Kikʼë jaʼäl taq tzij, David xtzjon chrij ri nunaʼ Jehová chrij kikʼaslemal taq neʼy ri majanä yeʼaläx. Tiskʼij ruwäch Salmo 139:13-17 y kixtzjon chrij reʼ:

• Chwäch Jehová, ¿ajän nchapatäj rukʼaslemal jun winäq: taq naläx o taq ruteʼ nkanaj qa pa yabʼil chrij?

Ri pixaʼ xyaʼ Jehová chkë ri israelitas ojer xeruchajij ri ixoqiʼ ri ye kʼo wä pa yabʼil chqä ri kineʼy ri majanä wä keʼaläx. Tiskʼij ruwäch Éxodo 21:22, 23 y kixtzjon chrij reʼ:

• ¿Achkë wä nunaʼ Jehová taq jun winäq ma chubʼanik ta nuʼän nukamsaj jun ti neʼy ri majanä naläx?

• ¿Y achkë komä nunaʼ ryä taq jun winäq kan chubʼanik nuʼän riʼ? b

• Y rït, ¿achkë naʼij chrij ri nuquʼ Dios chrij ri?

Titzʼetaʼ ri VIDEO.

Tapeʼ jun ixöq kan nuloqʼoqʼej ri kʼaslemal, rkʼë jbʼaʼ xtqʼax pa rujolon chë ri más ütz ya riʼ nuʼän jun tzqonïk. Tiskʼij ruwäch Isaías 41:10 y kixtzjon chrij reʼ:

• We jun ixöq nbʼix che rä chë tbʼanaʼ jun tzqonïk, ¿achoq che rä ütz nukʼutuj wä rutoʼik? ¿Achkë rma?

 RI XQATAMAJ QA

Ri qakʼaslemal ya riʼ jun spanïk ruyaʼon pä Jehová chqë. Le Biblia nukʼüt chqawäch achkë rubʼanik nqaloqʼoqʼej chqä nqachajij qakʼaslemal röj chqä kikʼaslemal ri nkʼaj chik.

Tqakamluj ri xqatzʼët qa

• ¿Achkë rma qataman chë Jehová kan nuloqʼoqʼej kikʼaslemal ri winäq?

• ¿Achkë nunaʼ Jehová taq jun winäq nukamsaj riʼ o nukamsaj jun chik winäq?

• ¿Achkë rma naloqʼoqʼej rït ri qakʼaslemal yaʼon?