¿Achike ruma ri ruqʼalajrisanelaʼ ri Jehová man nkibʼij ta iglesia chi re ri jay akuchi (apeʼ) nkiyaʼ ruqʼij ri Dios?
Chupam ri Loqʼoläj Wuj, ri tzij griego ri bʼanon qa «iglesia» chi re, nchʼon chi rij jun molaj winäq ri nkiyaʼ ruqʼij ri Dios, man nchʼon ta chi rij jun jay richin yebʼan molojriʼïl.
Jun tzʼetbʼäl chi rij reʼ. Toq ri apóstol Pablo xtzʼibʼan el chi ke ri rutzeqelibʼey ri Jesús pa Roma, xutäq el rutzil kiwäch ri Áquila y Priscila, ri winäq riʼ kikʼulaj kiʼ. Chuqaʼ xutäq rutzil kiwäch «ri iglesia nkikʼül kiʼ chi kachoch» ri Áquila y Priscila (Romanos 16:5, Ri Cʼacʼaʼ Retal Tzij). Re texto reʼ nukʼüt chi qawäch chi ri Pablo najin wi nutäq rutzil kiwäch ri winäq, man ja ta ri jay akuchi (apeʼ) nkimöl kiʼ. *
Ruma kʼa riʼ, man nqabʼij ta iglesia chi re ri jay akuchi (apeʼ) nqamöl qiʼ, nqabʼij Runimajay ri Ajawaren chi re.
¿Achike kʼa ruma nbʼïx «Runimajay ri Ajawaren kichin ri Ruqʼalajrisanelaʼ ri Jehová» chi re?
Kʼo kʼïy achoj ruma ri ke riʼ nqabʼij chi re, tqatzʼetaʼ qa jujun chi ke riʼ:
Ri jay riʼ jun nimajay richin yebʼan molojriʼïl.
Chupam ri jay riʼ nqamöl qiʼ richin nqayaʼ ruqʼij ri Jehová, ri Dios achoj chi rij nchʼon ri Loqʼoläj Wuj (Salmo 83:18; Isaías 43:12).
Chuqaʼ nqamöl qiʼ chupam ri jay riʼ richin nqetamaj chi rij ri Rajawaren ri Dios, ri xutzijoj ri Jesús chi ke ri winäq (Mateo 6:9, 10; 24:14; Lucas 4:43).
Nqajoʼ chi yatapon qikʼin pa jun Runimajay ri Ajawaren ri más naqaj nubʼän chawe, richin natzʼët achike rubʼanik nqabʼän chi re ri qamolojriʼïl.
^ parr. 3 E kʼo chʼaqa textos ja riʼ chuqaʼ naʼoj nkiyaʼ, achiʼel ri 1 Corintios 16:19; Colosenses 4:15 chuqaʼ Filemón 2.
Rkʼë jbʼaʼ nawajoʼ natzʼët chqä reʼ
MOLOJ
¿Achkë yebʼan pa qamoloj?
Katapon chpan jun chkë ri jay ri akuchï nqamöl wä qiʼ röj ri testigos de Jehová y tatzʼetaʼ achkë nqaʼän chriʼ.
CHQIJ RÖJ
Katapon chpan qamoloj
Tatamaj achkë yebʼan chkipan ri qamoloj chqä takanuj achkë más naqaj nkanaj wä chawä.