18-24 Nòvempör
SALMAI 107-108
Tinköökö 7 ngaich Vinë-ekūötēv | Töhakööpö Min (1 min.)
1. ‘Ha-öinyö Yāvē Tön Tölöök An’
(10 min.)
Sā inlahen Yāvē nö ṙānyen yik aṅ Israel nö ṙā-ang Pēpilön, ngatī inlahen anga-aṅ nö ṙānyen hī ṙā-ang im panam ngam Sātan (Sa 107:1, 2; Kòl 1:13, 14)
Kirööngen minlēḵṙen in tö Yāvē, lökten öi ha-öinyö ò el ngam māṅ (Sa 107:31, 32; w07-HI 5/1 pěch 8 përa 2)
Yē hī min aṙū-uti mufē fēkö minë inlahen tī Yāvē nö in hī, ngaich örheūheu min ayī-ö ha-öinyö ò (Sa 107:43; w15-HI 1/15 pěch 9 përa 4)
2. Töhakööpö Töpōiṙāi
(10 min.)
-
Sa 108:9—Ngih ṙô tö kūichi nö in ngih miröökö ihē angū-ö nö teungtakūö? (it-2-E pěch 420 përa 4)
-
Asuh nup töpōiṙāi haköplö meh in ngam tö vë-evkūö el ngih afta?
3. Miröökö Tövë-evkūö
(4 min.) Sa 107:1-28 (th-HI Kun 5)
4. Rěhnyôre Öm Vë-ekūö Tarik
(3 min.) CHÖH LÖKNYÖ ṘÔ RE AHĀNGA. (lmd lesön 1 point 4)
5. Havanröön Re
(4 min.) CHÖH LÖKNYÖ ṘÔ RE AHĀNGA. Vë-eny nang ngam tarik tö hī öi mahaköptö ṙô Paipöl. Ngaich kē-ěkūö ò tö ngam Paipöl kòrs contact kart. (lmd lesön 9 point 3)
6. Minkahten
(5 min.) Nôchövanô Kē Sövāl 90—Kui E: Më Hömesā Yöh Sōchna Kësē Chōr Sökta Hūṅ Ki Merē Sāt Purā Hōkā? (th-HI Kun 14)
Tinköökö 46
7. Kētö Nööyö Yāvē Öi Tikökṙô Re
(15 min.) Holṙô re kakken u.
Ik sā Yāvē nö laklen më aṅ Israel tö yik aṅ Aikup nö in ngam Rět Sī, ngaich ha-ööinyö ò cha-a. Tikök ngam tufömngöre cha-a tinköökö nö ha-ööiny ngam Tēv. (Man 15:1-19) Urēhnyi ṙô më kikōnyö nö tikökṙôre. (Man 15:21) Ngatī misī ang Yēsū hēk tö yik Kristīön nö tikökṙô re nö ha-öiny ngam Tēv. (Mët 26:30; Kòl 3:16) Ngatī inrē ayī-ö töngamuh ha-öinyö Yāvē öi tikökṙô re el minë mīting, esemlī hēk könvesön inrē. Fömngöre ṙô in taheui tikök ngam tinköökö, “Kētö Nöönyö Yāvē,” löktö kūö ik 1966 ngih tinköökö nö tikökö nö el minë mīting.
In nup tahëng kamngö lohten më kikōnyö nö piyū-u ṙô nö tikökṙôre. Ōt inrē yip tö ngölōn töre nöng öt vayö ëlô nö tikökṙô re. Hòṅ köplōn pöri ayī-ö tö ngam tinkök ṙô re el mīting nö alaha ngam vinë-ekūö ngam Tēv. Ma-ainyre ngam söngkötön Yāvē nö halēnlö minë tinköökö hēk holtö mikah elmat nö katöllö nup tinköökö tö hòṅ tikökö nö el minë mīting. Höng hòṅ holṙô re ayī-ö hēk holtö ellōnre öi tikökṙô re öi hameuktö ngam hanangenlōnre hēk minlēḵṙenre tö Yāvē.
Meuk ngam VITIŌ Ngam Histrī hī, söl ing Töngamuh—Tinköökö Nö Inlōntö Hī, Part 2. Ngaich hatön kūö më hamang:
-
Asuh ök inlahngen ik 1944?
-
Sitih inlahen më prötör sistör aṅ Sāipëriā nö hameuktö ngam tökiröng minlēḵṙen re tö minë tinköökö pūlngö?
-
Kūö yòh nö ṙātö-ellōnre më Vamënyen Yāvē tö ngam tinköökö pūlngö nö töt ṙanāngen?
8. Inkööpöṙô Paipöl el Ngam Māṅ
(30 min.) bt-HI lesön 18 përa 6-15
