30 Tisempör, 2024–5 Chönvörī, 2025
SALMAI 120-126
Tinköökö 144 ngaich Vinë-ekūötēv | Töhakööpö Min (1 min.)
Holtö ṙanamlōnre më mahavan aṅ Israel nö uvòh ṙòng taneūichre, kūö Yāvē nö kētö inkòlô nup la-en cha.
1. Yip Töng Makmatnyöre Nö Teūich, Ṙāmölōn Min Nö Hamūl
(10 min.)
Ik sā yik aṅ Israel nö ṙānyu nö ṙā-ang Pēpilön nö chö-öinytö ngam inlahen cha nö havantenre nö im töhet vinë-ekūö Yāvē, ngaich kiröngen ṙanamölōn cha-a (Sa 126:1-3)
Ik sā yik aṅ Israel nö havan nö chuh Yūta, ngaich öt lööṙen cha-a nö meukṙen ngam mikūönöre pön hòṅ ma-ainyre nö la-evṙen. Lökten cha-a lohten nö makmatnyöre (Sa 126:5; w04-HI 6/1 pěch 16 përa 10)
Pōyen minë taneūngen cha inkòlô pò cha nö öt ṙāngenre (Sa 126:6; w21.11-HI pěch 24-25 përa 17; w01-HI 7/15 pěch 18-19 përa 13-14; ngëichkö ngam nyat)
TÖ AFĒKA: Asuh nup min kanihngen hī yěi rěhlörit kinëken nup tö tufömngöre la-en öi el öp tufömngöre panam unôichrit ngam Armakētòn? Hēk asuh inrē min nup inkòlô hī?
2. Töhakööpö Töpōiṙāi
(10 min.)
-
Sa 124:2-5—Mihôiṅ öi ayī-ö ṙātö-ellōnre tö Yāvē min nö laklen hī, sā inlahen ò misī nö laklen yik aṅ Israel? (Yöhova Kē Körīp Āō pěch 73 përa 15)
-
Asuh nup töpōiṙāi haköplö meh in ngam tö vë-evkūö el ngih afta?
3. Miröökö Tövë-evkūö
(4 min.) Sa 124:1–126:6 (th-HI Kun 5)
4. Rěhnyôre Öm Vë-ekūö Tarik
(3 min.) AHĀNGA IKŪÖ TÖMAṘÔNGÖ. (lmd lesön 3 point 5)
5. Havanröön Re
(4 min.) CHUH KŪÖ PATĪ AHĀNGA. In ök raneh van meh ngam tarik nö vë-enyre nö kihngen nö ṙātö-ellōnre nö im Paipöl. (lmd lesön 9 point 5)
6. Vītö Mahaköp
Tinköökö 155
7. Ṙamölōn In Minë Kinlēḵngô Ngam Tēv
(15 min.) Holṙô re kakken u.
Teungtakūö nup taṙòkhöre kinlēngô Yāvē nö in yik aṅ Israel töhaköövö nö i Pēpilön. Ṙānyen cha anga-aṅ nö ṙā-ang el inköövö hēk aṙēlö nuk tökööl cha. (Is 33:24) Ik sā yik aṅ Israel nö haköövö, ngaich ṙūöhlöre ṙôken nuk töṙeūla aṅ el inchōn hēk tö nuk layön nö i panam cha. Lökten nö töt ṙanāngen ngam linaklö cha hēk tö nuk töṙeūla cha ik sā cha nö havan nö chuh im panam re. Kô-en ang Yāvē lohten nö laklen cha, sā ngam kinlēngô ò. (Is 65:25) Asā ngam kinlēngô Yāvē inrē yik aṅ Israel nö holtö ṙanamlōnre nö iyöng el nuk patīre hēk nyā ṙòng nuk taneūichre vāin. (Is 65:21) Rö-ö nöng angū-ö pön kētö inkòlô nuk la-en cha inrē ang Yāvē hēk marò-òtö nômö inrē cha-a.—Is 65:22, 23.
Töhëm mak nö löknyö kui rôngö: Maridav/stock.adobe.com; mountains: AndreyArmyagov/stock.adobe.com
Meuk ngam VITIŌ Ṙamlōn Man Löktö In Minë Kinlēḵngô Ngam Tēv Lanāmö—Rahëichtamat. Ngaich hatön kūö më hamang:
-
Sitih inlahen taneungtökūö ön töngamuh në tö eūka?
-
Sitih inlahen min anū-ö nö teungtökūö ip tufömngöre panam?
-
Asuh öp kinlēḵngô tö hòṅ meukö tö meh nö teungtakūö?
8. Inkööpöṙô Paipöl el Ngam Māṅ
(30 min.) bt-HI lesön 20 përa 8-12, pòks im pěch 161
