SĀ TINRĪKEN KRISTĪÖN
Hayööken Cha An Yāvē Yip tö Haṙivlōn
Ṙòkhöre in ṙung hēṙu haṙivlōn. Öt tö ngö manah pöri angū-ö tö hī öi kūönen aṅ in tö ṙinātö-ellōn. Ngatī ön inrē misī Yāvē nö haṙivlōn. (Ra 6:5, 6) Sitih inlahen pöri ayī-ö yěi höng örheūheu öi haṙivlōn?
Havëkö inyöökenre in Yāvē. Lökngöre ang Yāvē tö nup mufē hī. Akahakūö anga-aṅ tö nup ṙētak hī yěi ṙamölōn hēk haṙivlōn. Akaha elmat inrē anga-aṅ tö hī öi kūö yòh ngatī mufē. (Sal 7:9b) Mööḵlö pöri ngam inlahen Yāvē nö chumkūöṙen tö hī. Lökten anga-aṅ nö mihôiṅ nö hayööken hī yěi haṙivlōn hēk yěi la-al ngam tiprësön re inrē.—Sal 34:18.
Havai nup mufē re. Mihôiṅ nö chuhngöre ngam ṙanamlōn hī yěi īnu tö vanööṙö, miṙivlōn hēk yěi yaha piṙūtka inrē. Rö-ö pöri nöng anū-ö pön mihôiṅ inrē ngam innòlö hī in Yāvē nö pasū. Lökten öi hòṅ laklö ngam mufē re.—Inch 4:23.
NGËCHKÖ NGAM VITIŌ SITIH INLAHEN AICH MË HOLMANEUK HĪ NÖ TEŪNGEN TÖM LANĀMÖ PÒRÔ NÖ ĪNU TÖNGAM TIPRËSÖN, NGAICH KĒTÖ SANAPṘÔ NË INTÖÖNÖ:
-
Asūp inlahen Nikki nö la-al ngam tiprësön re?
-
Kūö yòh ang Nikki nö ngölōn tore nö hòṅ chuh in öp tòktör?—Mët 9:12
-
Asuh nup inlahen Nikki nö hameuktöre nö ṙatö-ellōnre tö Yāvē min nö hayööken ò?
