SĀ TINRĪKEN KRISTĪÖN
Yip Minṙöinylen Tökalēḵ Alaha nö Meukṙen Më Tarik Yāvē
Pōyen yip tarik töt ööire tö më tö aṅhav in tö minā-aṅ re. Asūp lānyngen cha? Pò më tarik nöng samyeūheuv rò-òten nö öt löngö tī nö yūs ngam minā-aṅ re. (Mai 7:3) Ṙamlōn pöri ayī-ö pön öt ngatī inlahen më minṙöinylen el minë māṅ. Pön haköptu cha-a nö yūs ngam kamngöre nö i inyööken më prötör sistör.—Est 10:3; Mët 20:25, 26.
Nup töng kahëken më minṙöinylen la-en el ngam māṅ, ngaich kēkken u cha-a kūö hanangenlōnre tö Yāvē hēk tö yip tarik ò inrē. (Yô 21:16; 1Pī 5:1-3) El katòh chööngö Yēsū cha-a nö la-evṙen. Sā ṙengen yip yōm siöṅp cha-a nö chumkūöken nup tö pōyen siöṅp. Hayööken më pöplisör cha-a hòṅ cha nö röhta nö in Yāvē hēk in yip prötör sistör inrē. Yěn ōt nup tö faltöre kanihngen hēk invah ngaich ilööṙen më minṙöinylen nö hayööken më prötör sistör hēk hareuskö alaha cha inrē. Lökten um piyu-uṙô öm havëkö inyöökenre in më minṙöinylen yěm hòṅ lōntö inyöökenre?—Yāk 5:14.
NGËCHKÖ NGAM VITIŌ TÖ CHUMKŪÖṘEN NÖ YŌM SĪṄP, NGAICH KĒTÖ SANAPṘÔ NË INTÖÖNÖ:
-
Asūp yanöölen Marīanā ik sā ò nö hayöökaṙen tö më minṙöinylen?
-
Asūp yanöölen Ēlias ik sā ò hayöökaṙen tö më minṙöinylen?
-
Sitih mufē öich më minṙöinylen tö në la-en ing sā re nö meuk ngih vitiō?
