• Höng ngam Tēv kamtöllö ngam rācha. “Ha-ūichlö ngam rāchare chin . . . Kē-ĕkūö meh chin min inrē tö vē pumnāmö tarik nö amin meh: ane inrē minë manā-angkūö ngam panam nö hayōm meh.”—Salmai 2:6, 8.

• Rācha yip Israel öp min nö lömöknyö in Tāvit. “Pòn in hī öp hĕng tak nyīö nö fötnyu, in hī öp kikōnyö nyīö hĕng tak nö kētu . . . Aṅ im töṙūölöng ṙôken inyöngö aṅ im lanāmö inrē nöng öt chanūhuvṙen, nö el kantēra Tāvit, i kui ngam pūlngö ò inrē, nö haköpngö e.”—Isayā 9:6, 7.

• Fötnyu öp min nö i Petlihem. ‘Me-eṅ pöri, Petlihem . . . , hĕng tak ap min lamöknyö in meh chamuh in chu nö mahayöng . . . Ngaich köp min anga-aṅ nö kiröng söl manā-angkūö ngih panam.’—Maika 5:2, 4.

• Tö sō-ov an tö tarik hēk fëli inrē. “Töt hakūökaṙen an tösō-ovö inrē. . . . Ngaich pöri anga-aṅ nö nyāhavö kūö tökööl hī paṙôkö alaha anga-aṅ kūö öt lanöökö hī.”—Isayā 53:3, 5.

• Hachohlöng anga-aṅ nö ṙā-ang in yik tökapah ngaich kā-ěkūö tö ngam tökiröng minā-aṅ re. “Pò meh min ötṙāngö ngam nômö chu nö el anūlö: öt-rēhĕn min me-eṅ halöngten ngam töhetre nö meuk chinhūngö. . . . lāhāmö meh ap kumchiklōn nö örheūheu.”—Salmai 16:10, 11.

Yē hī öi ngëichkö nuk histrī ngam tarik, teung minë ṙô nö in öp töhěng tak tarik ang Yēsū Kristū. Ngöṙô ök töhěng tak ma-ahānga nö vë-eny nang ök yöng Yēsū ang Mariā tö inlahen ò: “Kē-ĕvkūö öp min tö ngam Mā Tēv tö ngam kantēra ök yöng Ò, Tāvit, . . . öt chanūhuvṙen min ngam pūlngö Ò.”—Lūkös 1:31-33.

Öl ang Yēsū hē e nö rācha ngam Pūlngö ngam Tēv ik sā ò nö ing panam. Pön tö hòṅ vīlöng anga-aṅ nö rācha nö el halīöngö. Ngaich löktö in e anga-aṅ nö hayöng më tarik. Kūö yòh öi mihôiṅ ngatī ṙô tö Yēsū nö töt insā-av nö rācha? Chumkūöṙen tö nup kahëken ò la-en nö ing panam misī.

•   Tö chumkūöṙen ang Yēsū tö tarik. Ṙòkhöre hayööken misī ang Yēsū tö tarik pòrô nö kikōnyö hēk kikānö, tököiny hēk ṙālö, tökòlô hēk yāich inrē. (Mëtiv 9:36; Mākös 10:16) Hěng tak ök töyeūnyu yamihtöre nö in Yēsū nö vë-ekūö ò nö ngöṙô: “Yē Meh öre hōḵ, ngaich kô-òren Me-eṅ löökentī tö chu.” Aṙē-ělōn ngaich ang Yēsū nö meūkö ò lökten nö halanken ò.—Mākös 1:40-42.

• Haköpten hī ang Yēsū tö hī hòṅ sitih inlahen haṙamlōn ngam Tēv. Ngöṙô anga-aṅ: “Rö-ö yin kô hĕnghöre lök la-en ngam Tēv, kanôlò ngih panam inrē.” Halēn yik tarik inrē anga-aṅ nö ngatī inlahen nö meukṙen cha nö sā lōnre nö in yip tahëng. Rö-ö nöng anū-ö pön vë-eny nang hī inrē ang Yēsū tö ngam Tēv nö rö-ö nöng ngëichkö minë la-en hī pön chumkūöṙen inrē tö ngam mufē hī hēk tö minë mufē elkuilōn hī inrē. Angū-ö lāinyngen hī yěi hòṅ haṙamlōn ngam Tēv, ngaich hòṅ ṙap minë mufē elkuilōn re ayī-ö. (Mëtiv 5:28; 6:24; 7:12) Haköpten hī inrē ang Yēsū tö hī öi sitih inlahen mihôiṅ teūngen tö ngam tökô-en ṙanamlōn. Hòṅ mikahtökūöre in tö kuilōn ngam Tēv nö in hī ngaich sitih inlahen kò-òren öi hameukten u öi in minë la-enre.—Lūkös 11:28.

• Haköpten hī ang Yēsū töm hanangenlōn. Tö lökngöre tī nun minë ṙô Yēsū. Ngöṙô ngam Paipöl: “Pingangkūö yik tömaṙôngö, tö nuk ṙô Ò, nö haköphöti. Pòn haköpten cha Anga-aṅ, nö sā töchönguvö; öt sā yik kamūich.” (Mëtiv 7:28, 29) Ngöṙô anga-aṅ nö haköphöti: “Hāngenlōn yin tö yip tökunyahaṅelmat töre.” Kôten inrē ang Yēsū nö ngatī inlahen. Urēhěkūö ngam kinpahare anga-aṅ nö vë-elkui yik tökunyaha elmat töre nö ngöṙô: “Kayöngö, aṙēlen cha, tön rö-ö yih nö akahalōn tö tīre.” (Mëtiv 5:44; Lūkös 23:34) Öt kintöngulōn ayī-ö tö minë ṙô Yēsū hēk minë inlahen ò inrē nö tö lökngöre tī anū-ö tö më tarik.

Öt tö insā-av ang Yēsū nö rācha, kūö ò nö tö hangenlōn tö tarik hēk hayööken cha inrē. Ihē pöri min anga-aṅ nö rultenre nö hayöng?