Haköp inlahen ngam Inhetlö ngam minë-eny Yāvē in hē e öi in e angū-ö ātiköl. Ngam tökiröng intöönö nö lākūö taṙòkhöre tarik tö më ma-ahānga inrē. Nët nun minë intöönö. (1) Kò-en hòng nöng Yāvē töhěng tak nö tölöngö tī nö hayöng? (2) Chiplö hòng min tarik nö in Yāvē? Alaha öp tökiröng intöönö angū-ö ngih tö kētu, ngaich töt ṙanāngen ngam inlahen hī öi mikahtökūöre tö minë sanapṙô u.

Kūö yòh pöri angū-ö nö hòṅ kumlēḵlöng ngam inlahen inhëtlö minë-eny Yāvē? Ta-a töi ngaichkö në tö lūöi lāinyngen.

Raneh, ma-ainyre ngam Sī-ö nö hachōichngö minë-eny Yāvē, nö el ök panò-òṅ Ēten. Vīlö ellon Ēva anga-aṅ tö Yāvē nö töt hangenlōn ngaich kē-ěkūö cha anga-aṅ tö mine chööngö tö kihngen. Hēk öt kē-ěkūö cha inre tö minë tövai chehen. Rö-ö nöng angū-ö, pön nup ṙô Yāvē ngaich höng harīkngen u ngam Sī-ö. Ngatī inlahen anga-aṅ nö sūöichkö inlahen Yāvē nö tö minyôiny hēk hachōichngen ngam minë-eny ò inrē. Lökten ngam Sī-ö nö kaheukö nö tötlöök tö ngö manah tö ò nö “samūöichkö fālen.” (Yôh. 8:44) Ṙatö-ellōnre ngaich ang Ēva nö in minë tö minyôiny ṙô ngam Sī-ö nö öt hangṙô Yāvē inmeuktö ò nö öt rāchavö lōn tö Yāvē. (Ran. 3:1-6) Ngatī ön töngamuh ngam Sī-ö nöng hachōichngö minë-eny Yāvē, nö sūöchlö minë tö minyôiny inlahen ò ngaich yip tarik ṙamatö-ellōnre nö in minë tö minyôiny ṙô ò ngaich lohten cha-a nö öt hòṅ hangṙô Yāvē. Ngatī inlahen angū-ö nö hachōichngö ngam töhet minë-eny Yāvē, iṙòkö miṙivlōn lohten yip tarik Yāvē nö meuk inlahen e. Yēḵ ngam mine-ëny Yāvē öre nö öt hachōichiyö ngaich öthō öre nö ngatī inlahen ngih panam. Anū-ö në lāinyngen në kanihngen hēk ötlanöökö töngamuh.

Innëtö, Tö Yāvē min nö kē-ělkūö alahare nö ha-etlö ngam minë-enyre tö hachōichiyö. Nö chö-öny tö më tarik hēk tö yip ma-ahānga. Tö möḵlö nö inlahen Yāvē nö ha-etlö ngam minë-enyre. Lökten anga-aṅ nö ngöṙô, “Ngaich chū-ö hòṅ haköp ngam hanëtö ngam tökiröng minë-eny chu.” (Isi. 36:23) Vë-eny nang yip töchiplö tarik ngam Tēv ang Yēsū nö tölṙô cha nö vë-kūötēv nö ‘ahetlö minë-eny ngam Tēv Yāvē.’ (Mët. 6:9) Örheūheu vinënyi inrē angū-ö nö imat ngam Paipöl nö tötṙanāngen ngam inlahen hī öi ha-etlö ngam tö sā kinūichngö e “ha-öiny ngam mā Tēv tö ineū-eu minë-eny ò” (1 Kin. 16:29; Sal. 96:8) “Tiköknyö ineū-eu ngam minë-eny ò.” (Sal. 66:2) “Hapōilö ngam minë-eny meh chin min örheūheu.” (Sal. 86:12) Lōnu inrē ang Yāvē nö harōilö ngam minë-enyre nö el ök chūök vinë-ekūötēv ngaich ngöṙô anga-aṅ nö in Yāvē, “Kayöngö hakòlô ngam minë-enyre man.” Ngaich kētö sanapṙô ò ang Yāvē nö löktö el halīöngö, “Ngaich chin hakòlô e hēk min inrē öich hakòlô e.”—Yôh. 12:28. a

Linūöyö, Sāḵta ön ngam kūilōn Yāvē nö im minë-ëny ò, asup min manā-aṅ kinlaha unôichrit ngam tö hěngköiny samyeūheu tö Kristū nö hayöng. Töi mikahtökūöre öi chumkūöṙen tö inlahen e, hē e hòng inrē min öi ha-etlö ngam minë-eny  ngam Tēv ngaich haṙēvö hòng min më ma-ahānga tö më tarik? Töi mikahtökūöre öi ngëichkö minë tö nët intöönö tö söklörë. Ngam raneh, chiplö öng min ngòh tarik nö löklōn ngam Tēv hēk hö-ö ṙöng? Lohten min öi teūngen tö sanapṙô e unôichrit ngam tö hěngköiny samyeūheu. Pò yip tarik min ngaich nö hetlöre ngaich kalaha inrē. Unôichrit e min cha-a nö kētö minkahngö ngam inlahen re yěn chiplö hēk yěn hö-ö. Ngaich möl min nö kě-ēvkūö tö ngam nômö tö-örheūheu aṅ. Ngaich ngam innëtö intöönö, löngö inlahen tī hòng min ngam Tēv nö hayöng hö-ö ṙöng? Hē e min yip tarik tö yip ma-ahānga nö öt haṙēvngöre, Pön hēngö ṙô min cha-a nö ha-öiny ngam Tēv nö rāchavö ṙô tö ò?

Yěi teūngen min tö sanapṙô në tö nët intöönö. Ngaich möl min ngam töhet minë-eny Yāvē nö hetlöre hēk hö-öv inrē min ngam sinūöchkö fālen ò. Ngaich yòh öt mötlö hòng min ngam minë-eny ngam Tēv? Öt ngatī, pön ṙòkhöre min yip tarik hēk yip ma-ahānga nö mööḵlö mat tö ngam minë-eny ò, kūö ò min nö halēnlö minë tövāi inlööten cha. Tö sā ngam, inlahen Yēsū min yěn havantö ngam inyööngö nö eltī ngam yöngre, ‘Ngaich ṙòkhöre min nup töng sitih nö eltī Yāvē.’ (1 Kòr. 15:28) Ngaich ‘ṙānyu min vē kūön ngam Tēv’ nö ṙā-ang im inköövö öt kanòlô ṙamlōn inrē min cha-a. (Rōm. 8:21) Ngatī inlahen min ngam kuilōn Yāvē nö teung, tö më tarik hēk ma-ahānga nö hěng min cha-a nö mikūönöre.—Efi. 1:10.

Sitih lōn min yip tarik hēk ma-ahānga yěn meūkö u? Öt ansökngen min ngam inlahen cha nö harōilö minë-eny ngam Tēv Yāvē. Pön sā mufē Tāvit min cha-a ngam tö ngörô “Örheūheu inrē yēḵ ngam mine-eny Ò nö kôlò.” (Sal. 72:18, 19) Örheūheu inrē min ayī-ö öi ha-öiny ngam minë-eny Yāvē pön pōyen nup tö tufömngöre chö-öiny hī öi ngatī inlahen.

Pōyen nup mikahkūö hī tö inlahen ngam Tēv öi löktö im minë-eny ò. Yěi hang ngam minë-eny ò ngaich löktö in e öi akahakūö tö ò nö tö sitih inlahen nö Tēv, hēk asuh inrē nup tinrīken ò. Tö sā ngamuh tinrīken ò ngam hanangenlōn. (1 Yôh. 4:8) Örheūheu min ayī-ö köplōn tö Yāvē nö kūö hanangenlōnre nö vī-i hī hēk halēnlö ngam ṙāi ṙinanyi inrē nö chö-öinyten hī. Köplōn inrē min ayī-ö tö ò nö tö hangenlōn nö Tēv hēk tölöök inrē anga-aṅ nö rācha. In nup yamih ṙētak inrē min ayī-ö yěi meuk ṙôken ngam hanangenlōn Yāvē, Örheūheu in min öi haröhtöre öi in Yāvē ngaich harōilö ngam töhet minë-eny ò.—Sal. 73:28.