Ngatī inlahen öm ṙung më-eṅ yěm haköp, ngaich höng ilööṙen öm vaichngö tö nup haköpre? Ṙòkhöre in ṙung ngatī inlahen. Asūp mihôiṅ inlahen meh? Mihôiṅ öm fēken nup töt ṙanāngen pòën öm elkuilōn re.

Yěm ṙònghëichṙen öm haköp, ngaich mihôiṅ më-eṅ sökngöre ngaich fēken nup töt ṙanāngen pòën haköp re. Ngatī inlahen misī ang Pôl nö ṙūöhlö alaha yik holmaneukre nö in ök töhěng chitrire ngöṙô anga-aṅ, “angū-ö ön ngih töt ṙanangen kahòkkö hī.” (Hep. 8:1) Ngatī ṙô anga-aṅ nö mikahtöelmat yip holmaneukre tö öp kahakkö ò hēk sitih inlahen inrē öp ṙô ò nö nôlta nö in öp töt ṙanāngen tòpik.

Keuheūten öm haköp ngaich mihôiṅ öm kēnyö tö 10 minit ṙētak re öm afēkö nup töt ṙanāngen pòën ngam haköpre. Yē meh öt köpölōn, ngaich mihôiṅ më-eṅ havantö matre öm ngëichkö nup söphēting ngam ātiköl. Örheūheu nun ṙung nö kētu minë töt ṙanāngne pòën in ngam raneh lëin (line) ngam perekraf, vë-ekūö u inrē më-en. Yěn tufömngöre öp haköp meh ngaich kalahken re më-eṅ öm i ëlô re öm ṙô-òv tö e. Yě meh min öm havīöl ṙô tö minë töt ṙanāngen pòën ngaich lööṙen min më-eṅ öm köplōn tö u hēk akaha elmat inrē më-eṅ min tö inlahenre öm sitih inlahen kēkö kaha u.