Pōyen yip ṙung in hī töt köplōn tö nup haköpre, chumkūöṙen hòng pöri më-eṅ tö minë inchōḵ-oṙô ṙung kahëtö Yēsū ngaich ilööṙen ṙung anu-ö nö yih nö el kuilōn hī? Kô-en anū-ö nö ṙën nö ngatī pöi ilööṙen ṙung öi vī nup nyat u nö ellōn re töp lökten hī ṙung öi köpölōn tö u. Ngatī ṙēngen ngam inlahen meh yěm haköp, yē meh min öm vī nup nyat u nö elkuilōn re, ngaich pōyen min nup kanöplōn meh haköp meh. Sitih inlahen pöri mihôiṅ më-eṅ öm ngatī inlahen? Mihôiṅ më-eṅ öm imat līpöre tī öm vī nup nyat hēk imat nup tahëng inrē.

Yip tarik ṙung mahaköp inlahen nup tufömngöre töhakööpö ngaich ilööṙen ṙung cha-a nö rô-īngö u, angū-ö lāinyngen cha nö köplōn tö nup haköpre. Rö-ö cha-a nöng köpölōn tö minë ṙô, pön köplōn inrē cha-a tö minë töt ṙanāngen pòën in u. Öt hòṅ uroh öp rô-īng meh nö hòṅ vai mihôiṅ nöng simpöl, yēḵ hī pöri höng akaha elmat töp haköpre öi lökten u. Yöölen yin vē tököinyö ṙēḵti nö lökten in u anu-ö inlahen hī.

Yēḵ meh hēk min öm haköp, ngaich mihôiṅ më-eṅ rô-īng nup haköplöre lökten in u min më-eṅ pingangkūö tö re öm pōyen kanööpölōn tö nup haköpre!