Im līpöre Rūt 4:1 ngam tarik tö kakka nö mahavan taṙeū, kūö yòh anga-aṅ nö ngatī ṙô tö ò yěn pihövö tö Rūt ngaich ‘chōichngen’ tī min anga-aṅ töp aminre? (Rūt 4:6)

Yěn kapah misī öp töhěng tak tarik aṅ Israel nöng öt kūönuvö, ngaich ṙōlkangen nup intöönö yamih nö el kuilōn hī. Tö sā në, yěn tö īnu anga-aṅ tö taṙeū, ngaich löö in chīö min angū-ö? Sitih inlahen inköpka inrē min öp minë-eny ngam tarik hòn öt chuhngöre? Im minë chööngö Môsös öi teūngen tö sanap ṙô u.

Yěn hěng tak öp tarik tö kapah hēk kūö yanāchöre nö havahngö öp taṙeū re, ngaich öp kahëm ò hēk öp töröhta mak alaha ò mahavan ngam taṙeū ò min nö havaha e. Ngatī inlahen ngam taṙeū nöng köp nö el ngam mikūönö ngam tarik.—Lēv. 25:23-28; Kin. 27:8-11.

Sitih inlahen pöri yěn kapah öp tarik, sitih inlahen kanööpö min öp minë-eny ò? Mihôiṅ öp kahëm ò nö pihövö töp ha-īre öp tö kapahlöng. Ngatī inlahen ök pinīhi tö Rūt. Öp lanòh kūön ò, ngaich kaheūkö anga-aṅ nö kūön ngam tökapah, anga-aṅ ma-asīöp ngam mikūönö ngam tö kapah. Anga-aṅ inrē tö amīnu töp taṙeū ngam tökapah. Kūö inlēnlö e nö yöölen yip tafīösi.—Chöö. 25:5-7; Mët. 22:23-28.

Töi ngëchkö inlahen Naōmī. Pihīvö anga-aṅ tö Elimelek nët tak nak kūön ò. Kapah pöri ngaich ang Elimelek tö nak kūön ò inrē, öt mameūkuṙen ngaich ang Naōmī. (Rūt 1:1-5) Havan ngaich Naōmī nö chuh Yūta. Vë-eny nang Rūt anga-aṅ öp kankūönre tö Pō-as nö töröhta nö mak alaha cha, lökten nö tölṙô ò nö havan ngam taṙeū nö havaha e. (Rūt 2:1, 19, 20; 3:1-4) Akahalōn pöri ang Pō-as töp tö hěng tak tarik nö hòṅ anga-aṅ sin tö hòṅ urěh nö havan ngam tumlat, pön anga-aṅ raneh nö töröhta nö mak alaha Naōmī. Öt vënyu minënyi ök tarik nö imat ngam Paipöl.—Rūt 3:9, 12, 13.

Hō ngaich ngam tarik nö havah ngam tumlat. (Rūt 4:1-4) Akahalōn anga-aṅ tö ṙôken nup yanëngenre, tö Naōmī inrē nö öthō nö hēk nö kūönuvö töp tö amīnu min töp tumlat Elimelek, ṙôkhöre min nöng i minë-eny ò nup tumlat Elimelek.

Ik sa ò pöri nö akahalōn tö re nö pīhöten tö Rūt, sōḵ ngaich anga-aṅ nö pīhövö. Ngö ṙô anga-aṅ: “Ötkô chin havānö e nö kanahngen chu, pò chu min chōichngen tī töp aminre.” (Rūt 4:5, 6) Kūö yòh anga-aṅ nö harīkngö ṙôre?

Yēḵ ngam tarik öre hēk öp tahëng nö pīhövö tö Rūt ngaich kūönu tö kikōnyö, ngaich ṙòkhöre nö i minënyö ngam nyīö nup kanòlô Elimelek. Ngaich sitih inlahen nup “kanòlô” ngam tarik nö “yëḵngen”? Öt vënyu nup nö i mat ngam Paipöl, në pöri tö vënyu lohten nöng mufē ò.

• Raneh lāinyngen, pī-a lohten nö ngö mufē anga-aṅ, höng i minë-eny öp kūön Rūt min öp tumlat Elimelek, lökten öich sō höng hayëḵngenre havāha e.

• Innëtö lāinyngen, yēḵ chu öre kētöre, höng yanëḵngen chu öre kinënyö ṙāi nyā-aṅkūö nā Naōmī nā Rūt tö nup kamngö chūök cha inrē nö iyöng.

• Linūöyö lāinyngen, yěn pōyen kūön Rūt nö in ngam tarik hēk tö kūönu ngam tarik ngaich hôṅ kē-ěvkūö cha-a min tö nup kintölö cha kanòlô.

• Finënö lāinyngen, yēḵ ngam tarik nö töt kūönu öre, ngaich pihīvö anga-aṅ tö Rūt ngaich kūönu öre nö in Rūt, ngaich i minë-eny ngam nyīö öre nup tumlat Elimelek hēk nup tumlat ngam tarik, ngaich höng ṙòkhöre nup kanòlô nö i minë-eny ngam nyīö, ötrēhěn nö i minë-eny ngam kūön ò, pön höng i minë-eny öp kūön Elimelek. Sōḵ nö hayööken Naōmī ngam tarik. Lökten ngam tarik nö tölṙô Pō-as nö anga-aṅ mahavan ngam tumlat. Hō-en e ngaich ang Pō-as pön hòṅ “hachohlö minë-eny ök tökapah nö in ngam amin ò.”—Rūt 4:10.

Höng lōntöre ngòh tarik hēk lōn tö kanòlô inrē. Öt köp pöri ngam minë-eny ò. Öt teūngen inrē tö ngam tö kiröng inkòlô, ngam taneūngen Pō-as. Unôichngöre nö löknyö im mikūönö Pō-as ang Kristū nö fötnyuvö. Kūö nup kui lōnre ngam tarik nö öt hayööken holre, öt löngö ṙòng angū-ö!—Mët. 1:5; Lūk. 3:23, 32.