Hòṅ lōnu öm töre yöölen öm löktö in ngam pörsönöl istötī re? Yěm hòṅ ngatī, ngaich hòṅ hang në inlēnö më-eṅ:

• Ngëichkö öp tölöng chūökre. Yěn ōt öp tölöng hēk tövai chūök meh öm istötī, öp chūök ngam yanāngö nö pōyen, öp töt chūök nup töpōyen samān töng parāta. Kò-òren öm yūs kursi-mīs öm ūichhakṙen öm haköp, hēk höng el kahôiṙen inrē öm istötī.

• Höng hĕngtak yĕm haköp. Veutlö mat misī ang Yēsū tö “peuheū” nö chuh in nuk tö “chēvhakṙen chūökö” yěn vë-ekūötēv.” (Māk. 1:35) Yěm kihngen tö chūökre öm istötī töp töchēvhakṙen, ngaich mihôiṅ öm vë-eny nang yip aṅ patīre töre öm hòṅ istötī, hòṅ cha nö öt taṙōlaṙen sin nö rahëichtakūö.

• Um changa-aṅkūö yĕm istötī. Um halöngngenre changa-aṅkūö yěm istötī. Yěm el fūn hēk el nup tëplet öm istötī, ngaich vīngö seting u, hòṅ meh öt yīhi mesēch hēk kôlö tö yip tahëng. Um ṙāngenre öm istötī pòrô öm fē-ělre töp töhěng la-enre, mihôiṅ öm höng kūichngen e, ngaich unôich öm kētöre öm in e. Yěm kihngen, kūöre öm changa-aṅkūö, ngaich choholre öm hateutlö ṙatre, hēk rahëichtakūö öm kiröön.