“Hē ngam tötlöök nö sā kiyôp nö sīöplö, hē yip tö lā-evṙen tö tötlöök nö kôlòṙen: inkamngö cha an, tö cha min nö tö urāḵngen nö payāyi.”—SALMAI 92:7.

Ha-ehangen ṙô ngam Töhet līpöre nö vë-eny inlahen yip tarik min nö ötlöngö la-en inup “manā-aṅ sakāmö.” (2 Timôtī 3:1-5) Ngaich sā ngam haköp hī im mu-urěh ātiköl. Kô-en takô nö ngatī inlahen vē tarik töngamuh. Iṙūöhöröön në ötlanöökö. Lökten nö veuten min ngam Tēv nö ha-etngö yip tarik tötlöngö la-en. Höng yip tö-akaha min tarik tö aṅ nö ikūöng panam, cha-a yip hamang nup ṙô ngam Tēv. Ngö kinūichngö ön nö imat ngam Töhet līpöre, “Amin tö panam yip min tö-löök: ngaich örheūheu nö iyöng in e.”—Salmai 37:29.

“Ngaich ngam Tēv lanāmen min nö paṙôkö tī tö Sātān.”—RŌMA 16:20.

Kilēngôre ngam Tēv tö öp ṙētak min nö yih hē hī min öthēngö pinhë-eṅkūö pön öt ōt tit min ngam Sī-ö, ötrēhěn yip ma-ahānga ò inrē.  Höng lanāmö min nö keuheūtngöre chūök.—Maika 4:4.

“Hol tarik an ngam inrūkui ngam Tēv . . . Ngaich chūtngö mak mat min Anga-aṅ, nö ṙā-ang i mat cha, öt ōtngöre min inrē ngam kinpaha, ötrēhĕn min miṙivlōn nö umuh, öt pineūnyu, öt chanöku nö hēkngöre.”—INMEUKHÖMAT 21:3, 4.

Minë töng sitih kanihngen hī tī ngam Sī-ö hēk tī nā Ātöm nā Ēva inrē, ṙòkhöre min anū-ö nö ha-etiyö tī ngam Tēv. “Öt ōtngöre min inrē ngam kinpaha.” Örheūheu min nö aṅ yip hamang ṙô ngam Tēv. I yöng yih pöri cha-a?

“Ṙāmölōn min öp elinchōn töp chūökö inrē töngesngö; ṙāmölōn ngam tönyalnyi inrē, pöpnyöre kūö ṙòng inrē sā pūl.”—ISAYĀ 35:1.

Yěn kē-ěyö min yip tötlöök tarik tö ngam Tēv, havantö vanāyö re min ngih panam! Pōyen min nup chūökö tövai ip hē e, tööḵlö min ngih panam tö nya-aṅkūö. (Salmai 72:16) Het min ngam mai tö minë tahël inrē, pōyen inrē nup aṅkūö u. Öt ōt tit min nup mahamumngö ngam kuföt. Kö vī patī re min inrē tarik iyöng ngaich el u. Öt ōt min töha-euk ötrēhěn nö ōt yāich inrē.—Isayā 65:21, 22.

“Ngam invanlö tökapah min . . . inrē.”—INLAHEN 24:15.

Tö kapahlöng hòng më-eṅ tö holmaneuk re hēk holre inrē? Sitih lōn öm töre yěm hēk mihôiṅ meukkūö cha. Kilēḵngôre an ngam Tēv tö re min nö ha-aṅlen cha yip töngaich nö kapah. Akahakūö min ayī-ö tö höö ip hē e, yěi meukkūö re. Asehkūö re man töp ṙanamlōn hī min ip hē e! Kūöyòh öi pöri mihôiṅ ṙātö-ellōnre im kinlēḵngô ngam Tēv? Pön ngaich misī anga-aṅ nö ha-aṅlö tökapah. Ōt yik tökiröng, ōt yik kun nyīö. Ngatī inrē ang Yēsū nö ha-aṅlö tökapah.—Lūkös 8:49-56; Yôhan 11:11-14, 38-44.