Mirūlö 4

Achīö Ang Ngam Tö-Ötlöök?

Sī-ö ngam Tö-ötlöök—löktö yih ang? (1, 2)

Sitih inlahen ang ngam Sī-ö nö halo-ongkūö tarik? (3-7)

Kūö yòh öm hòṅ lāköre tö ngam Tö- ötlöök? (7)

1. Ngam ṙô “tö-ötlöök” tö ngö manah an samūöichköfālen hol re nöng ṙô minyôiny. “Sātān” ngöṙô in tö tösumrīk hēk lama-al. Anu-ö nun në kinṙeuklö ngam tökiröng tö sumrīk tö ngam Tēv. Tö chiplen an ik raneh nö ma-ahānga ngam Tēv nö el halīöngö. Ngaich pöri, anga-aṅ nö unôichngöre nö tāilö ellōn nö in re ngaich kētöre nö hòṅ ha-ööinyö tö ngam nööinyö lamöö im Tēv.—Mëtiv 4:8-10.

2. Anga-aṅ an ma-ahānga, Sī-ö, vamë-ekūö Ēva nö lökten ik pēch. I minyôinyaṅ re anga-aṅ, nö tölṙô ò nö halôngen ngam Tēv. Angu-ö an löktö tī Sātān nö hanāchngö ngam “Inyööngö” töm Tēv hēk töm kamngö ngam mina-aṅ ò inrē. Uyëken ngam Tēv ngam sī-ö yēḵ ò nö kô nö hayöng nö lēnö tī ngaich yĕn ṙāmölōn tī tö yip töhayöngkaṙen tö ò. Hēk inrē ngam sī-ö nö uyë-a yēḵ tarik nö kô nö köp nö i linöökölōn ngam Tēv. Angu-ö an lökten ò, nö vītöre nö lama-al ngam Tēv. Angu-ö an löktö ṙô hī havëken ò nö sī-ö tö-ötlöök inrē.—Ranehlö 3:1-5; Yōp 1:8-11; Inmeukhömat 12:9.

3. Mā-anyre an ngam Sī-ö nö hachīl tarik pòn hòṅ ha-ööinyö. (2 Kòrin 11:3, 14) Ngam raneh löktötī ò nö halo-ongkūö tarik nö löktö in minë tövaich tinlööken. Yēḵ ap töhĕng tinlööken mahaköptö minyôiny tö inlahen ngam Tēv, nöng mahateungngölōn ngam Sī-ö. (Yôhan 8:44) Yip tarik mi-im tövaich tinlööken min nö kò-òren nöng hachīl ngam ellōn re tö re nö vë-ekūö ngam tökô-en Tēv. Lān rö-ö pò cha nöng lök lōn ngam Sī-ö. Anga-aṅ ang pöchö “tēv ngih panam” tö ṙô hī.—2 Kòrin 4:4.

4. Ngam Minlūönö an inrē tahëng talöökö tī ngam Sī-ö nö haṙöi tarik nö löklōn ò. Havëkö öp ma-alaha min cha-a nö lamaklen cha, hachök yip tahëng, nö vamënyö öp mu-unôich hēk hameuktö pinngangkūö inrē. Sātān an tö īnu tö u anu-ö tötlöök kumlēḵ nö vamīken në tö harunkaṙen. Yēḵ hī hòṅ haṙamlōn ngam Tēv, öt kô ayī-ö hēngö kahëken inup la-en minlūönö.—I.Chööngö 18:10-12; Inlahen 19:18, 19.

5. Ngam Tanāilö lōn tö lökngörit re hēk Inrōilö në Inyööngö ing panam nun inrē löktö tī ngam Sātān nö halo-ongkūö tarik. Ōt yip tö nyatlölōn töre nö samötlöng tinrīken tö yip aṅ tahëng. Hö-ö pöri angu-ö  nö kò-en nö ngatī. (Inlahen 10:34, 35) Hēk ōt yip tarik töng im inyööngö ing panam maheūṅkka yĕn hòṅ la-al nup kanihngen re. Angu-ö ön ngih inlaha cha nö sō-en ngam pūlngö ngam Tēv. Nöng angu-ö töng hēng tömihòiṅ nö kēngö në kanihngen hī.—Tanīël 2:44.

6. Ngih inrē tahëng talöökö tī ngam Sātān nö halo-ongkūö tarik nö löktö im inyikhanga tö nup tötlöök kuilōn ngam alaha. Halēnö pöri ayī-ö tö Yāvē öi ṙūöhöngre tö nup tötlöök kuilōn pòn akahalōn anga-aṅ tö hī min pala-ai ṙen. (Kalati 6:7, 8) Ōt min tarik tö hòṅ hōlu tö meh nö lök in u anu-ö töchōich la-en. Hòṅ kööpölōn pöri, me-eṅ tö u anu-ö la-en nöng tinöölö ṙô meh ngatī inlahen tö ngam sī-ö.—1 Kòrin 6:9, 10; 15:33.

7. Mihôiṅ an ngam sī-ö nö löktö inup öt linëken hēk lina-al nö timten meh ṙāngen Yāvē. Yip hanāngenlōn meh min inrē kò-òren nö pōi kumnyaṅh elmat tö meh pò meh haköp mat ngam töhet līpöre. Hēk yip tahëng min inrē nö hayë ṙô re tömeh. Achīö pöri öp lökngörit ngam nômö meh? Hòṅ havööken meh an ngam Sī-ö, pò meh hōtu ṙāngenre haköp inlahen Yāvē. Un halöngturen ngam Sī-ö nö mihôiṅ! (Mëtiv 10:34-39; 1 Pitör 5:8, 9) Yēḵ meh iṙūöhen öm la-al ngam Sī-ö, ngaich mihôiṅ öm ṙamölōn tī tö Yāvē hēk hameuktöre me-eṅ öm hamò-òṅ ngam mina-aṅ Ò.—Inchōḵoṙô 27:11.

[Kepsön el ngam pēch 9]

Tövaich tinlööken, Minlūönö, hēk tanāilö lōn tö panam re nun tö lo-ong kūö tī tarik

[Kepsön el ngam pēch 9]

La-al ngam Sī-ö öm iṙūöhen haköp inlahen Yāvē