Mirūlö 2

Achīö Ang Ngam Tēv?

Achīö ang ngam tökô-en Tēv, achīö ap minë-eny ò inrē? (1, 2)

Tö sitih inlahen ap alaha ò? (3)

Asuh nup tö aköichlöng tinrīken ò? (4)

Löng öng ngam inlaha hī yēḵ hī ṙātö minë insā hēk minë tö sā u yēḵ hī vë-ekūö ò? (5)

Asuh nup tönët lökten hī kò-òren haköp inlahen ngam Tēv? (6)

1. Ṙōlkangen nup Tēv tö haööinyö tö tarik. Vënyu nang pöri ayī-ö töm töhet līpöre töm TÖKÔ-EN Tēv nöng hĕng tak. Öt hĕng töt vahī-il ò el halīöngö ing panam inrē. Sā ò nö kamëtö nômö hī, lökten nöng hòṅ anga-aṅ tö ha-ööinyö tö hī.—1 Kòrin 8:5, 6; Inmeukhömat 4:11.

2. Ṙōlkangen invëka an ngam Tēv höng hĕng pöri ngam minënyö ò. YĀVĒH ngö in töm minënyö ò. Vāklö ṙôken nup töhet līpöre, chūök ngam minënyö ngam Tēv nö kĕ-ĕyö ngaich i chūök tit u nö kētu ngam invëkö ò nö MĀ hēk TĒV inrē. Ik hē ngam töhet līpöre pöri misī nö kūichö, 7,000 tum heuh ngam minë-eny Yāvēh nö kūichö!—Maneutnyi 3:15; Salmai 83:18.

3. Aṅhav in an Yāvē tö alahare, hö-ö pöri ngam alaha ò nö sā në alaha hī. “Ma-alaha an ngam Tēv” töṙô ngam töhet  līpöre. (Yôhan 4:24) Töhĕngkangen an ngam ma-alaha nö nômö nö tö ngā-al lanöökö tö në alaha hī. Rö-ö nö hĕng tak tarik mameuk ngam Tēv nö ngaich. El halīöngö an Yāvē, meuk në taṙòkhöre pöri anga-aṅ. (Salmai 11:4, 5; Yôhan 1:18) Asuh, öngri, ngam töhet fanöinylö? Hö-ö an nö tarik nö sā ngam Tēv. Pò-en kumlēḵ ngam Tēv.—Salmai 104:30.

4. Hameuknyu nun minë tinrīken Yāvē nö in hī töm töhet līpöre. Në yih tö aköichlöng tinrīken ò hanāngenlōn, inkahafālen, mikah töm kumlēḵ inrē. (I.Chööngö 32:4; Yōp 12:13; Isayā 40:26, 1 Yôhan 4:8) Vënyu nang in inrē töm töhet līpöre tö ò nö töpōi miṙēlōn, neūkölōn, ma-aṙĕ-ĕl, töchulööṙentī hēk tö möi inrē. Hōtu in, sā yip kūön töhanghuṙen, öi hòṅ asīnken minë tinrīken ò.—Efisös 5:1, 2.

5. Hòṅ sōntökūöre öi ri inup insā Tēv, nyat hēk tö nup tö sā u inrē yēḵ hī vë-ekūötēv? Hö-ö! (Maneutnyi 20:4, 5) Ngöṙô an Yāvē tö hī tö ò nöng anga-aṅ tö hòṅ haööinyö tö hī. Hö-ö an min nö kēngö ngam kanôlòre nö i tahëng hēk inup töng. Öt kanò-òṅvö nun në insā nö hayööken hī.—Salmai 115:4-8; Isayā 42:8.

6. Hòṅ sitih inlahen öi yĕi hòṅ timtö mikahkūö re töm Tēv? Ngam raneh nö löktö i nginëichkö në tö vīlöngö tö ò hēk inngihtöre tö ṙô u nö vë-eny nang hī. Hameuktu nun minë töt-chanuhuvṙen minhôiṅyö ngam Tēv töm mikah ò inrē nö in minë vahīlö ò. Meuk ngam hanāngenlōn ò ayī-ö in minë vahīlö ò. (Salmai 19:1-6; Rōma 1:20) Ngam tahëng löktö mikahkūö hī töm Tēv nö löktö i inkööpömat ngam töhet līpöre. In e inrē kò-òren öi pōyen haköp tö inlaha ngam Tēv. Vënyö nang hī an inrē tö nup kuilōn ò hēk asuh nup lōn ò nö in hī la-en kahëken hī.—Amôs 3:7; 2 Timòtī 3:16, 17.

[Kepsön el ngam pēch 5]

Hakööpu in tö inlaha ngam Tēv lökten inë tövīlöng hēk lökten im töhet līpöre inrē