Mirūlö 5

Asuh Ap Chööḵnyö Ngam Tēv Nö Vī Ngih Panam?

Kūö yòh ang Yāvē nö vīlö ngih panam? (1, 2)

Kūö yòh öng ngih panam nö öt Peretais nö ngaich? (3)

Sitih inlahen yip min tötlöök tarik? (4)

Asuh nup min la-en Yēsū, inup Yamih ṙētak nö in yip tövahavö? tököiny? tökapah inrē? (5, 6)

Yēḵ meh hòṅ minööngu tö nup inkôlò ip yamih ṙētak, Asuh nup töt ṙanāngen nö la-en meh? (7)

1. Yāvē an misī vamīlö ngih panam pòn hōtö tarik nö iyöng ikūö e nö örheūheu nö aṅ nö holtö ṙanāmölōn re. Hōtö ngih panam anga-aṅ nö örheūheu nö aṅhavkūö tö yip tölöök hēk tö ṙāmölōn tarik. (Salmai 115:16; Isayā 45:18) Öt löktu ön ngih panam nö piyāyi; örheūheu pöri ngam tumlat nöng ngöh.—Salmai 104:5; Mumkahten 1:4.

2. Urĕhĕkūö ngam Tēv nö vī tarik, kachlö ök tö rahëichyen anga-aṅ alaha ngih tumlat ngaich vī-i e nö tövai nö Peretais. Kaheuk minë-eny e anga-aṅ nö panò-òṅ Ētön. In e tī anga-aṅ nö ṙāten nak raneh tarik nā Ātöm nā Ēva. Hōtu cha-a nö mikūönlö ngaich hatööḵlö ngih panam pò e nö lōn ngam Tēv nö in cha. Hiṙeūtkenre öre cha-a misī nö yônyö ngih panam nö keuheūtnyöre nö Peretais.—Ranehlö 1:28; 2:8, 15.

3. Köölö fālen pöri ngaich nā Ātöm nā Ēva i inlaha cha nö tölngen re nö filal chööngö ngam Tēv. Lökten ngaich Yāvē nö ha-ōnyen cha nö ṙa-ang el ök panò-òṅ Ētön. Chatngen ngaich ök Peretais. (Ranehlö 3:1-6; 23) Öt vaichngö pöri Yāvē töp chöö-önylōn re töng panam. Kilēḵngôre anga-aṅ tö ò min nö vī-i e nö Peretais, nö chūök tarik nö iyöng nöng örheūheu. Sitih inlaha tī ang min tö e?—Salmai 37:29.

4. Urĕhĕkūö ngih panam min nö vī-i nö Peretais, hòṅ röökiṙen min yip tötlöök tarik. (Salmai 37:38) Ip Armakĕtôn min angu-ö, ngam sakamö kinyūngö töm Tēv nö ahetngö në öt lanöökö nö ikūöng panam. Unôichngöre, Sātān min nö nyëṅkiyö nö 1,000 samyeūheu rò-ò-ten. Tö ngö manah tötöt hĕngtit tak min tötlöök mahalëlngö ngih panam. Höng yip tarik ngam Tēv pöri min tö öt kò-òngvah.—Inmeukhömat 16:14, 16; 20:1-3.

 5. Unôichrit në min ang Yēsū Kristū nö hayöng nö ikui ngih tumlat nö 1,000 samyeūheu rò-òten. (Inmeukhömat 20:6) Hiṙeūtngötīre min anga-aṅ nö kēngen në tökööl nö ṙa-ang el kuilōn hī hēk el alaha hī inrē. Vītöre min möl ayī-ö öi töthāṅten öi tarik öi sā nā Ātöm nā Ēva urĕhĕkūö fanukngö cha nö im tökööl. Ngaich hē e min nö öt ōt re invah, kanööinyö hēk kinpaha inrē. Lööken min yip tövahavö tö nup invah re, ngaich yip tököiny min tarik nö hēk nö ayallöre.—Yōp 33:25; Isayā 33:24; Inmeukhömat 21:3, 4.

6. I nup tö 1,000 samyeūheu inyööngö min tö Yēsū, ngaich möl min yip tölöök tarik nö havantö inlaha re nö la-evṙen nö vī ngih panam nö Peretais nö keuheūtngöre chūök. (Lūkös 23:43) Anë inrē, kööṅnyu ṙôken min yip tö hachohlöngö tarik nö ṙa-ang iyip tökapah. (Inlahen 24:15) Yēḵ cha nö la-evṙen tö nup lōn ngam Tēv nö in cha, ngaich cha-a min nö örheūheu nö aṅ nö ikūöng panam. Ngaich yĕn hö-ö, ngaich cha-a min nö ahëtiyö nöng örheūheu.—Yôhan 5:28, 29; Inmeukhömat 20:11-15.

7. Ngaich ngam raneh chöö-öny lōn ngam Tēv töng panam min nö möl nö teungtökūö. Lōnuvö öm me-eṅ töre teūngen minchöö-övö inë yamih inkôlò? Yĕm hòṅ ngatī, ngaich hòṅ iṙūöhen öm haköp inlaha Yāvē hēk la-evṙen tö nup kuilōn ò inrē. Yöölen man min yēḵ meh yihtökūö el minë Patī ngam pūlngö vē Vamënyen Yāvē im inkööpö.—Isayā 11:9; Heprai 10:24, 25.

[Kepsön el ngam pēch 10]

Töchatngen Peretais

[Kepsön el ngam pēch 11]

Unôich rit öp Armakētòn, ngih panam nö vī-i hēk min nö Peretais