Mirūlö 15

Hayööken Yip Tahëng Nö Lök Lōn Ngam Tēv

kūö yòh öm hòṅ vë-eny nang yip tahëng tö nup haköp meh? (1)

Hòṅ achīö yip vahë-eny nang meh töm tölöök inhāṅnga? (2)

Iṙôkö lanökngöre yip tahëng tö minë tinrīken meh? (2)

Ihē öm kô ahangkö ngam tölöök inhāṅnga öm holröön yip aṅ ngam māṅ? (3)

1. Ngaich man töngamuh öm pōyen haköplö tö minë tölöök aṅ mat ngam töhet līpöre. Anu-ö nun mikah lökten meh kô luhngö ngam höt-eh tarik ngam tötkôlò, ngaich kēḵ ngam tufömngöre tarik. (Efisös 4:22-24) Anu-ö nun mikah tö kĕ-ĕ tö hī yēḵ hī hòṅ nômuvö töm tö örheuheū aṅ. (Yôhan 17:3) Tölökten, ngam tölöök inhānga nö hòṅ hāngö tö yip tahëng hòṅ cha cha-a inrē nö teūngen töm inyööken. Hòṅ ṙòkhöre yin vē tökô-en kristīön nö vë-eny nang yip tahëng holre. Pò e nö chööngö ngam Tēv.—Rōma 10:10; 1 Kòrin 9:16; 1 Timòtī 4:16.

2. Mihôiṅ man rĕhtôre eūtönang yip ranghö meh tö nup tölöök haköp meh. Vënyen u in yip aṅ ngam mikūönö meh, hol meh, yip hol meh el iskul, tö yip hol meh la-evṙen inrē. Holtö ṙanëmenre töm manööyö inrē yēḵ meh vënyen u. (2 Timòtī 2:24, 25) Köplōn tö tarik nö in minë tinrīken meh mat nö ngëṅcha rö-ö nö i nup ṙô meh. Lökten nun minë tövai tinrīken meh nö mihôiṅ nö tūöktöre tī tö yip tahëng nö hang ṙô meh töm tölöök inhāṅnga.—Mëtiv 5:16; 1 Pitör 3:1, 2, 16.

3. Unôichrit në, möl me-eṅ min kô ahangkö ngam tölöök inhāṅnga öm hol röön yip aṅ ngam māṅ yip Vamënyen Yāvē. Angu-ö vamënyö ngam inlahen meh öm kū-ö urĕh. (Mëtiv 24:14) Tö iṙôkö öng nö ṙanāmölōn meh yēḵ meh hĕngtak hayööken tö tarik lamöklōn Yāvē nö tö teūngen töm nômö tö-örheuheū-aṅ!—1 Tösalònikē 2:19, 20.