Mirūlö 11

Nup Ṙinātö Ellōn Hēk KuiPanam Töt Mahaṙamlōn Ngam Tēv

Nup yòh nup ṙinātö ellōn hēk kui panam inrē tövaich? (1)

Hòṅ ṙātö ellōnre aich vē kristīön töm Tēv nö tölūöi nöng hĕng? (2)

Kūö yòh aich vē tökô-en kristīön nö ötvīken krismis, īstör, hēk töm sakāmö finötnyi inrē? (3, 4)

Mihôiṅ aich vē tö kapah nö chökhuṙen tö vē tö aṅ? (5)

Lökngen rōi töhakālö ök Yēsū nö kapah? (6)

Sitih öng ngam inṙamlōn ngam Tēv nö töt ṙanāngen? (7)

1. Öt ṙòkhöre nun në tinlöökö hēk kui panam inrē nö chōich. Yēḵ u pöri nö yih nö löktö in minë tövaich tinlööken hēk yĕn öt sā ngam inköphöti aṅ mat ngam töhet līpöre, hö-ö anu-ö nö hō-ovö töm Tēv.—Mëtiv 15:6.

2. Tölūöi nöng hĕng:—Mihôiṅ ang Yāvē nö kaheūkö nö tö tölūöi nöng hĕng—tö lūöi tak nö tarik im töng hĕng Tēv? Hö-ö! Yāvē, ngam Yöng, an “töng hĕng tak nö tökô-en Tēv.” (Yôhan 17:3; Mākös 12:29) Lanòh an Yēsū nö kūön Ò, nö më-el katòh chööngö ngam Tēv. (1 Kòrin 11:3) Mööḵlö an ngam yöng töm kūön. (Yôhan 14:28) Hö-ö an ngam töhet fanöinylö nö tarik; pò e nö kumlēḵ ngam Tēv.—Ranehlö 1:2; Inlahen 2:18.

3. Krismis töm īstör: Hö-ö ök Yēsū nö fötnyu nö im 25 December. Röhta an ngam finötnyö ò im October 1, ṙētak an el ngam samyeūheu hē më yōm pöököre nö aṅtö minë pöököre re nö el kahôiyö tö hatööm. (Lūkös 2:8-12) Öt hĕng heuh ök Yēsū nö kētö chööngö vē kristīön nö afēkö ngam finötnyö Ò. Höng tölṙô yik haköptöre pöri anga-aṅ, nö haköpkölōnre, töm sakāmö kinpaha Ò. (Lūkös 22:19, 20) Lökten an ngam krismis töm kuipanam nö löktö i minë höt-eh tövaich tinlööken. Ngatī lökngörit nun inrē minë kinëken ngam īstör, nö holre töm inrööngö ngam lôl töm rapit inrē. Hö-ö yik misī tökô-en kristīön nö vīken krismis töm īstör inrē, ngaich ngatī vē tökô-en kristīön töngamuh nö öt vīken krismis.

4. Sakāmö finötnyi: Höng manët kang chūök nun minë Sakāmö finötnyi tö kakka nö imat ngam töhet līpöre nö tö afēka  tö yik tarik töng öt akahakūö tö Yāvē. (Ranehlö 40:20-22; Mākös 6:21, 22, 24-27) Hö-ö yik misī mu-urĕh kristīön nö fēkö sakāmö finötnyi. Ṙòkhöre nun minë lökngörit kinëken u nö löktö in minë höteh tövaich tinlööken. Höng örheūheu yin vē tökô-en kristīön nö alōnten höö tö chehen örheūheu inrē nö ṙamlōn nö in höö iṙôtòng ngam samyeūheu.

5. Ngam pinheṅ-ekūö tö kupah: Öt hēngö kanò-òṅ yin vē tö kapah tö la-en hēk öt rĕhĕn nö akahaiṙen. Öt kô in ayī-ö hayööken cha, öt rĕhĕn cha-a nö kô nö chökṙen hī. (Salmai 146:4; Mumkahten 9:5, 10) Tökapah an ngam nômö; öt ōttit angu-ö nö aṅ unôichrit kinpaha. (Isikīĕl 18:4) Ngaich pöri nö hēk pī yip tötlöök ma-ahānga yip tötlöök töṙô, nö vī-i re nö ma-alaha öp tökapah tarik. Ṙòkhöre nup kuipanam hēk pinheṅ-eṅkūö tö kupah töm intöntöre nö i kupah inrē nö tövaich.—Isayā 8:19.

6. Kurôs: Hö-ö ök Yēsū nö kapah nö lökngö rōi kurôs. Kapah ök nö lökngö rōichōn, hēk tö hĕng milòhò chōn. “kurôs” ngöṙô in töm tö hĕng miröökö chōn öi i ṙô aṅ krīk nö sā vinënyö e tö minë töhët līpöre. Lamökngörit in minë höt-eh tövaich tinlööken an ngam minkahngö töhakālö. Öt ṙātu an misī ngam kurôs hēk öt vë-evkūö inrē töyik mu-urĕh kristīön. Tölöng öng pökeh tö lōn meh yĕn ṙātu ngam kuròs i chūök meh ha-öiny ngam Tēv?—I.Chööngö 7:26; 1 Kòrin 10:14.

7. Öt lööṙen an ngam ṙināngen u anu-ö ṙinātö-ellōn hēk kuipanam inrē. Mihôiṅ minö yip aṅ patī meh hol meh inrē nö öt halöngten meh ṙāngen minë tö hötṙeh rinātö-ellōn meh. Mötlö pöri ngam inṙamlōn ngam Tēv töm inṙamlōn tarik.—Inchōḵoṙô 29:25; Mëtiv 10:36, 37.

[Kepsön el ngam pēch 22]

Hö-ö an ngam Tēv nö tölūöi nöng hĕng

[Kepsön el ngam pēch 23]

Krismis töm īstör lökngörit in minë höteh tövaich tinlööken

[Kepsön el ngam pēch 23]

Öt faitavö in öi vë-ekūö tö kapah hēk vöö tö cha