Mirūlö 1

Sitih Kanôtökūö Öm Tö Nup Lōn Ngam Tēv

Asuh nup aṅ mat ngam töhet līpöre töt ṙanāngen minkahtölōn? (1)

Achīö öp kamūich ngam töhet līpöre? (2)

Kūö yòh öm hòṅ haköp mat ngam töhet līpöre? (3)

1. Aṅ im Tēv an ngam töhet līpöre nö töpōiṙāi nö inlōnti. Sā chitri an nö ṙama-ang in öp töhāngenlōn inyööngö tö kūön re. Vë-eny nang hī an tö nup tökô-en inlaha ngam Tēv, achīö anga ngaich asuh öp kamngö ò. Halēnö hī an öi la-al nup kanihngen hēk inlahen hī teūngen töp tökô-en ṙanāmölōn inrē. Höng ngam töhet līpöre an vame-eny nang hī tö inlahen hī ṙāmölōn tī töm Tēv.—Salmai 1:1-3; Isayā 48:17, 18.

2. Fën anāi yik misī tarik kamūich ngam töhet līpöre nö kö i mihëṅṙöre nö el tö 1,600 samyeūheu rò-òtötī, nö löktö kūö ik samyeūheu tö 1513 B.C.E. 66 ṙôken an ngam Bible. Tö uhômhöt vö ellōn yik misī kamūich ngam töhet līpöre töm Tēv. Kūich nup ṙô lōn ò cha-a, öt nup ṙô lōn cha. Lökten an ngam Tēv aṅ el halīöngö nö anga-aṅ kamūich ngam töhet līpöre, rö-ö nö tarik aṅ ngih panam kamūich ngih töhet līpöre.—2 Timòtī 3:16, 17; 2 Pitör 1:20, 21.

3. Kūichö an nö öt vanāichu haköpkaṙen inrē nöng ilōn ngam Tēv. Samötlöng ṙôken kintānö an tö nup tahëng līpöre. Öt ṙòkhöre min tarik nö ṙamlōn nö meūkö meh haköp mat ngam töhet līpöre, un lökngen meh pöri angū-ö sökngenre öm haköp. Tön lökten im mikahkūö meh töm Tēv, linöökö nup lōn ò inrē min öm teūngen tö töt chanuhuvṙen ṙanamlōn inup yamih sakāmö yĕm pòrô hakihtuṙen.—Mëtiv 5:10-12; Yôhan 17:3.