MIRŪLÖ 6
Asuh öp Haköp hī in Ök Tökiröng Ṙanööingö ?
Piyāingö yik tötlöök ngam Tēv hayööken Nō-a pöri tö yik mikūönö ò. Ranehlö 7:11, 12, 23
Kumṙah ngach angū-ö nö 40 sumkam 40 mitööm inrē, tööḵlö ngach minë panam tö ngam mak. Ṙòkngöre vah ngach yik tötlöök tarik nö kapah.
Ngach pöri yik tötlöök ma-aṅhānga nö ṙāngö nuk alaha re nö tarik, ngach vī-ing re nö tötlöök sī-ö.
Höng yik yamôklö nö el ök chōng, chā-a tö aṅ. Pòrò pöri Nō-a tö yik mikūönö ò nö uhēngöreṙen nö kapah, hachohlöng min chā-a nö hēk nö im nômö tö örheūheu-aṅ.
Hēk ön min ngam Tēv nö piyāingö yip tötlöök ngach hayööken yip tölöök. Mëtiv 24:37-39
Iṙuöhen pöri ngam Sī-ö tö yip tötlöök ma-aṅhānga nö halō-ongkūö tarik.
Sā nuk sakāmö Nō-a nun në ṙētak hī töngamuh, pōyen yip tarik samô-en nup tölöök inlēnö re ṙama-ang in Yāvē. Lökten min chā-a nö ilööṙen nö ahëtiyö tö Yāvē.—2 Pītör 2:5, 6.
Yip Vamënyen Yāvē yip tarik töngamuh tö sā Nō-a, mahangihtöre tö ṙô ngam Tēv ngach kētöre nö sā vinë-ekūö re.
Lohten Inrē öm Hòṅ Ngëichken Në
Tölöök Inhānga Aṅ Im Tēv—LAMÖÖ IN MEH
Yik Tarik Töt Kô-òngvah Tök Ṙanööingö
Sitih inlahen sanīöpö ön në ötlanöökö nö ikūö ngih panam? Sitih inlahen ök Nō-a nö hameuktö ṙinātö-ellōnre nö im Tēv?
LĪPÖRE KUN LĪPÖRE
Eltī Chiö Takô Öng Ngih Panam?
Pingangkūö man yĕm hang minë sanapṙô kahëtöm Paipöl. Mikahtökūöre töp inlahen lanökngöre hī hēk asūp manah e inup yamih min ṙētak.
