MIRŪLÖ 7
Achiö Ök Yēsū Kristū?
Tīnten Yēsū ang Yāvē nö ing panam. 1 Yôhan 4:9
Yēḵ hī hòṅ haṙamlōn Yāvē, ngach hòṅ hang ṙô ngam kūön ò ayī-ö. Marô-angen misī urēhĕkūö vinīlö Ātöm, vīlö ök töhĕng tak tökalēḵ ma-aṅhānga ang Yāvē nö el halīöngö.
Hē sanölta ngam ṙētak, tīntö ngam kūönre ang Yāvē nö kayônyu nö i Petlihem tök tötchô-òv rēlö Mariā. Ngach kaheūkö minë-eny anga-aṅ nö Yēsū.—Yôhan 6:38.
Hameuknyö minë tölöök tinrīken ngam Tēv ang Yēsū hē ò nö sā tarik nö ing panam. Īnu anga-aṅ tö neūkölōn, hanāngenlōn, öt pinyū-uvṙen inrē tarik nö yihtöre nö in ò. Öt pinheṅ-evkūö anga-aṅ nö haköptö tarik töm kanô-en ngam Tēv.
Surīkhuvö ang Yēsū pôrò nuk la-en ò nö tölöök. 1 Pītör 2:21-24
Halanken yik tö vāhavö ök Yēsū ngach hachohlö tökapah inrē.
Kunyaṅhavö ang Yēsū tö yik makūö kūönṙô pô ò nö hangāṅlnyö nuk tövach inköphöti tö nuk tötlöök la-en cha inrē.
Timlö alaha yik mahayöng aṅ Rōma yik makūö kūönṙô nö fōho Yēsū ngach kumpāhan.
Lohten Inrē öm Hòṅ Ngëichken Në
Tölöök Inhānga Aṅ Im Tēv—LAMÖÖ IN MEH
Yanīhi ngam Mesayā
Sitih inlahen tī ang Yāvē nö löktö in yik ma-ahānga hēk löktö in Yôhan ök Vamôk nö vënyen Yēsū nö anga-aṅ Mesayā? Sitih inlahen ang Yāvē nö vënyö ngam kūönre nö Mesayā?
Tölöök Inhānga Aṅ Im Tēv—LAMÖÖ IN MEH
Haköptö Inlaha ngam pūlngö ngam Tēv Ang Yēsū
Asuh öp tömööḵlö haköptö Yēsū? Sitih inlahen anga-aṅ min nö hameuktö hanāngenlōnre nö hayöng?
