MIRŪLÖ 5
Ök Tökiröng Ṙanööingö—Achīö yik Hamang? Achīö yik Töt Hamang?
Vāklö ṙôken kamëken ötlanöökö inuk sakāmö Nō-a. Ranehlö 6:5
Kūönu ngach nā Ātöm nā Ēva, sīöplöre ṙôken ngach tarik nö ikūö ngih panam. Ma-aṅhānga yik umuh inuk ṙētak mahanôlhötre nö im Sī-ö nö lā-al ngam Tēv.
Yih chā-a nö ing panam ngach kēḵ alaha re tö alaha tarik pön hòṅ pīhövö tö yik kikānö aṅ ngih panam. Kayônyö kūön re ngach yik kikānö tö tökiröng tarik yik tö angëṅ, tökalēḵ inrē.
Tööḵlö ngach ngih panam tö yik tarik tö la-evṙen tö tötlöök. Ngö ṙô ön ngam Paipöl: “Ngaich ngam Mā Tēv nö meuk tö ötlanöökö tarik nö kiröng nö im tumlat, ane inrē ṙòkhöre chanöh ellōn ò nö iṙūöhen nö öt löök.”
Hang ṙô ngam Tēv ang Nō-a nö vī ök chōng. Ranehlö 6:13, 14, 18, 19, 22
Tölöök ök misī Nō-a nö tarik. Ve-eny nang Nō-a ang Yāvē tö Ò nö hòṅ piyāingö yik tötlöök tarik nö aṅtī tö ök tökiröng ṙanööingö.
Tölṙô Nō-a inrē ngam Tēv nö vīlö ök tökiröng chōng tö sā kasòng, ngach hayôklö yik mikūönö re tö nuk tö keuheūt mihëröre töṙeūla.
Ngach Nō-a nö mikahtölōn yik tarik töm yamih ṙanööingö, öt chumkūöṙen pöri chā-a. Ōtre yip mahayīölngen Nō-a, ōtre yip tökunyaha elmat.
Hē kinheūṅten vinī-i ök chōng, chaphöt nuk töṙeūla ngach Nō-a nö el ò.
Lohten Inrē öm Hòṅ Ngëichken Në
Tölöök Inhānga Aṅ Im Tēv—LAMÖÖ IN MEH
Yik Tarik Töt Kô-òngvah Tök Ṙanööingö
Sitih inlahen sanīöpö ön në ötlanöökö nö ikūö ngih panam? Sitih inlahen ök Nō-a nö hameuktö ṙinātö-ellōnre nö im Tēv?
